Agba 28:21 - Katɔti Ɔku Kedee

²¹ Bekyuli anumi bɔnu taatu ala teenwini ɔɔɔdia munu munu. Nsu badi baaadaku-ni ka baƒɔ bodobodo kakɛ blii suɛ na batuna babla likpidi.

Agba 28:21 Referans Kwoze

Esekiel 13:19

Baayá na mina bekyuli beete-ma antabi ku bodobodo blii ɔdi kani na beedumi-mi na bana linyesia lɛni na bebo kemmo. Na baasia ɔkɔ etemila ammɔ lɛlɔ na baadú bekyuli bani na nka bátabla lɛla lɛdi na beebunku bekyuli bani na nka báƒiɔ na baatɔlɔ kɔtu tani tani. Na mina bekyuli baaƒɔ́-ma taadi.

Agba 24:23

Binu ala bamba ani na banundane básɔ básu. Ɔɔɔdia ka banu ukyuli anumi batɛ litemi na batu litemi geen lɛmmɔ benwini.

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Israelƒuɔ Bɔlɛ 23:8

“Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Israelƒuɔ Bɔlɛ 23:2

“Na tasiaku bekyuli bumomo kama na atábla likpidi. Na si eedie lɛla lɛdi kenye na litemi katɛkɔ ni, tanu bekyuli bumomo anumi na enwini litemi geen lɛmmɔ.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Hosea 4:18

Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Lɛkpa Ulu 1:17

Na ɔdi utanu anumi utatɛ litemi lɛdi. Mmomu batɛ-ni ulu lɛlɔ. Ɔlakɛne na ɔdi o-o, ɔwabane na ɔdi o-o ni, batayia ɔdi biala. Batɛku ɔdi biala litemi kalɛ kani na ɔ́manku-nwu. Na mɔɔsu-mii nnii kalɛ biala na litemi lɛmmɔ lise ni, Katɔti ɔdubute-ma kasusu na batɛ-ni ulu lɛlɔ. Na lɛ́su-ma ka si litemi bɔtɛ bɔdi bútulo-ma ni, beti litemi lɛmmɔ beboku-mi na lɛtɛ lite-ma.