Agba 28:1 - Katɔti Ɔku Kedee

¹ Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Agba 28:1 Referans Kwoze

Lɛkpa Ulu 28:7

Na Unwoti ɔdubɔdi bina bekisine lɛlɔ ute-mii si bata banii bebekpoku-mii. Bekisine bammɔ badubɔsia ulu unwi bebo, nsu badubɔsia lilu maatɛ lɛlɔ bekeli.

Kɔgya 53:5

Liƒu bonwu líbo-mii lɛlɔ lɛni udu nétebo tɔ kudii. Ɔsika Katɔti úbo amii mina bekisine ekubi úgyingya. Na kɔƒa kúkpo geen, ɔsika Katɔti úni-mii.

Kɔgya 112:7

Na ɔtɔtɔ ɔdi lɛnɔ ulágyu-nwu ina bi mɔɔlɛ́. Ɔsika nwuna bɔƒɔtaadi bubo ɔkplu na Unwoti lɛlɔ.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Batalane Kabla 14:3

Nsu batalane bammɔ bákya ɔma ɔmɛni kemmo bétu uwi básu litemi buni lɛmɛni ku ogya. Na Blɔti lɛnɔ údie nwuna bɔyɔ ɔ́tina geen na akɔla pii ani na bábla kemmo.

Yeremia 20:4

Liƒu kani ndubo-ɔ butaada na adubuti liƒu lɛmmɔ akya ƒula bekyuli lɛlɔ. Na adubɔnu kalɛ na bekisine badubo-ma bɔdu na kekpokɔ. Na ndubɔya na Babilon ɔga uƒie ukyuli biala na Yuda kalɔ lɛlɔ ɔtɔlɔku na binwini-nwu bekyuli beƒiedi na ɔdu badi.

Lewiƒuɔ Ɔda Bubo 26:36

“ ‘Na bina akɔ bani nébu ni, ndubuti liƒu geen lɛkya-ma kayi na kaƒɔ kesii kani na bakya bana bekisine akɔ mmɔ, na si ina ɔƒɛƒɛɛ nébo livete lɛdi ɔɔvínku muedi ɔdubɔya na beteekeli aani ukyuli ɔdi mɔɔbɔku-ma. Na badubo bukeli aani kewii na bada baabɔku-ma na bebuli ina ka ɔdi ɔɔɔsiaku-ma.

Lɛkpa Ulu 28:25

Unwoti ɔdubɔya na bina bekisine badi-mii lɛlɔ. Na bɛdubɔsia ulu unwi bɛnii bitékpoku-ma, nsu bɛdubɔsia lilu maatɛ lɛlɔ bikeli bɛtɔlɔ. Na si ɔmɛni udu ɔ́lɛ lɛni ni, ɔdubɔbla kayawi bekyuli ƒui kalɛ kadi. Na badubuye lɛlɔ ka bi mɔɔlɛ́ na bina lɛlɔ mɛni.

Baga 2 7:15

Na batalane bammɔ bésie laa bétédu Yordan Ketu na lɛwu ku ala ani na Siriaƒuɔ bekpone bakya baada teewi ulu lɛlɔ uwi ɔni békeli bésela kani na bánu na ulu lɛlɔ. Ɔmmɔ kama bénwini na bábasu ɔga ala ani nálɛ.

Yesaia 7:2

Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.

Israelƒuɔ Bɔlɛ 11:8

Ƒula benengu ƒui badubɔlɛ akɔnkɔ na mina anumi na beteevele-mi banii, ‘Awɔ ku bani ƒui nsiaku-ɔ kama biteesie.’ Na ɔmmɔ kama ni, ndubɔtɔlɔ.” Amu na Mose ɔ́tɔlɔ Ƒarao anumi ku kɔnyi.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Nehemia 6:11

Amu na lídie kenye nnini, “Lɛɛɛdi ɔnana ɔni udu mɔɔyia, na ukeli utabɛ. Munuu aakali ka si líkeli ńtábɛ Katɔti kakpakɔ na ndubɔƒɔ mina ngba? Lɛɛɛdubo bukeli kudii.”

Agba 27:27

Na bese bammɔ badubɔyu anyi ntu pii bete awɔ ku ƒula kaduli bekyuli ku kabla bablane.

Yesaia 30:17

Na ukisine unwi ɔdubo bina nkyuli eti leevu bɔbɔku. Na bana ɛlɔ muedi badubɔbɔku bina ƒui batɔlɔku. Na kawɔlɔkɔ ni, bina ɛlɛɛ kani ndubo bubu na bɛbla kɔnyana aani kalɛ na beekú lɛkpa linwi pɛ teenyene kɔbi kɔdi lili.”

Baga 1 1:49

Amu ka Adonia bekyuli bani nlie mɔɔdiku-nwu mmɔ bénu kɔtɛ kɔmmɔ ni, liƒu lɛ́da-ma. Na báta na bégyingya.

Hiob 15:21

Badubo kɔku kɔni mɔɔda liƒu buteenu uwi ndi uwi na bataayia. Na uwi ɔni na baakali banii lɛla biala lise kaduɛ ni, uwi ɔmmɔ geen na beyune badubo bebéyu-ma batu.

Kɔgya 53:6

Muuvele kpakplaa nnii Katɔti ɔya na bɔƒɔ bɔsi Sion bubo bute Israel. Na si Katɔti ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen.

Agba 10:9

Na bekyuli bani mɔɔdi litemi lɛlɔ ulu lɛlɔ ni, balánya teegyiile. Nsu bani kasiakɔ nse gontii ni, badubo bugyiile bubuli.