Agba 26:4 - Katɔti Ɔku Kedee

⁴ Si awɔ ku badɔlɔdi bɛɛkya unyeƒi ni, tedie bana kɔdɔlɔ ala ani beeye-ɔ kenye amu awɔ lɛnɔ adubɔbla ala kɔdɔlɔ kemmo aani bana kalɛ.

Agba 26:4 Referans Kwoze

Agba 26:5

Si awɔ ku badɔlɔdi bɛɛní lɛla lɛdi teenene ni, die bana ala ani na beeye-ɔ kenye na aya basɔ bakya bana kɔdɔlɔ kemmo.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Baga 1 12:14

na úti bakloƒu bammɔ mmomu kasusu kani na bákya-nwu na ɔ́su-ma ɔnini, “Mina ɔti úti etila ani na ebo unu ɔ́sia-mii lɛlɔ. Nsu mɔɔsu-mii ka mina adi adubɔyu unu etulo nwuna adi. Na kugyiimi na úti úbo-mii, na nsu ami ndubuti batamlukpa lɛka bɔta-mii.”

Agba 17:14

Si ése kadɔ kalɔ ni, use aani kalɛ na baalɛmi kuƒi teete ketu kani báda-ka kavinkɔ ulu na kéyi.

Baga 1 12:16

Uwi ɔni na bekyuli bammɔ bánu báti ka ɔga ɔmmɔ ulabla bana lɛyɔla ulete-ma ni, mmɔ na báva momoomo básu banini, “Bi kadikɔ na bubo ɔ́siku Dawid kudɔ? Kakɛ kamani na bunye na Yisai ubidi kudɔ? Israel banana, bɛya na bunwini buteesie bula nvo kemmo! Dawid utiku nwuna kaduli na utaanu-ka lɛlɔ.” Ɔmmɔ ɔsu Israelƒuɔ bénwini bésie bana ɔma.

Yuda 1:9

Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”

Yesaia 36:21

Nsu bekyuli bammɔ ƒui bábla kpoo aani kalɛ na Ɔga Hesekia ɔ́su-ma úse ɔnini, “Bitedie-nwu lɛla biala kenye.”

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Agba 23:9

Tebile ƒula uwi na badɔlɔdi lɛlɔ anii aalɛ-ma, ɔsika lɛnunda litemi lɛdi biala lɛɛɛdubo-ma anu bɔƒɔ.

Agba 29:9

Si ɔnundane úti ɔdɔlɔdi úsienku litemi katɛkɔ ni, kɔvanu kukpludi ku kɔdɔlɔ ala kani na mɔɔlɛ́ ɔdɔlɔdi ɔmmɔ kenye na uléboku keyi buɛɛ.