Agba 24:25 - Katɔti Ɔku Kedee

²⁵ Nsu bani mɔɔdú bani litemi neeebo ubo kɔtɔ belikplune na bana ablala ɔsu ni, bana lɛlɔ lɛɛda bekyuli ebiti na kusɛ kusɛ lɛnɔ ɔdubɔsiaku-ma.

Agba 24:25 Referans Kwoze

Timoteo 1 5:20

Na bekyuli bani nli nte ekpidi bɔbla ni, ɔlɛka edie alɛ-ma na adɔnku-ma na baƒɔtaadine ƒui anumi. Na ɔmɛni ɔdubɔkya bakladi liƒu.

Agba 28:23

Na lɛla biala kawɔlɔkɔ ni, bekyuli baayɔ́ lɛla bɔsu bɔlɛku nwaa utulo katɔlɔ bumwi.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.

Tito 1:13

Lɛla lɛni na kenye udiene ɔmmɔ ɔ́su ɔdi sɔsɔ. Anwuɔsu bɔku-ma na bada udu ɔmɛni baya kalɛ na bakɛ bɔƒɔtaadi geen bɔmmɔ.

Mateo 14:4

Ɔsika Ntu Ɔkpilane Yohane ɔ́su Herode ɔnini, “Katɔti ɔda bubo buléte kuƒi ka nka eti ƒula ɔnwani ulekudi Herodia.”

Nehemia 13:28

Na ɔkpane Unengudi Eliasib ubidi Yoiada bebi bammɔ kemmo unwi úti Horonni Sanbalat ubidi ulekubi. Ɔmɛni ɔsu lɛ́bɔku-nwu lɛ́lɛku Yerusalem.

Nehemia 13:25

Mmɔ na lɛ́dɔnku-ma na líwida-ma, na líbo bananabi bammɔ badi na lɛ́ni-ma linwini. Na lɛ́ya na bése kenye na Unwoti lɛnyi kemmo banii, “Bɔsɔ buleti bula bebi belekubi bulete kadi bamba banana na beti-ma. Na bula bananabi lɛnɔ ni, beleti kadi bamba belekubi. Na abu lɛnɔ buleti ɔdi lɛnɔ.

Nehemia 13:17

Amu na lɛ́dɔnku Yudaƒuɔ benengu bammɔ. Na lɛ́su-ma nnii, “Bi likyulikpi ala benye baabla mɛni? Na bɛɛyá na lɛnwunameyi lɛmɛni lɛɛlɛ́ ɔbu?

Samuel 1 3:13

Ɔsika lɛ́su-nwu ka ndubo anwu ku nwuna kaduli bekyuli ƒui kɔtɔ bɔdu na likpidi lɛni na ɔgyi nwaa, nsu údie atu ɔsu. Nwuna bebi ala bɔbla émo bekyuli bammɔ ƒui, nsu útakana na ɔ́bala-ma ɔsiku ɔbladu buɛ ɔmmɔ kudɔ.

Lewiƒuɔ Ɔda Bubo 19:17

“ ‘Ɔdi uteti ɔnwani litemi utakya kayi kemmo na uteekisi-nwu. Dɔnku ƒula ɔkpana ulu lɛlɔ nwaa kalɛ na nwuna likpidi lɛdi lilasia-a lɛlɔ.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Agba 24:26

Si bédie litemi lɛdi kenye béte-ɔ ulu lɛlɔ ni, ɔbu na béte-ɔ.