19 Tekpoku lɛlɔ ulu biala lɛlɔ na alaekpidi bablane lilidia lɛdi lɛlɔ. Na balalane lɛlɔ litegyie-ɔ anumi.
Bekyuli bekpidi lɛlɔ litegyie-ɔ anumi. Na tawia anii aakya-ma kasala kemmo lɛnɔ.
Alaekpidi bablane lɛlɔ litegyie-ɔ anumi. Mmomu taayia Unwoti uwi ndi uwi.
Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.
Bɛgyu lɛgba bɛtɔlɔ-mi kudɔ amii alaekpidi bablane. Mina Katɔti ɔda bubo lɛlɔ kani na ndubɔdi.
Kayi ketekpoku-ɔ si ala aatɛku ukyuli ukpidi. Na anumi étegyie-ɔ na nwuna kabla lɛlɔ.
Ɔsika anumi égyie-mi na bekyuli bani mɔɔtalaku lɛlɔ katɔ ku bani na bebo kalala lɛlɔ ka ala aatɛku-ma ɔsu.
Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.
Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.
Mmɔ na útébo Israelƒuɔ ɔda ɔnini, “Bɛta bina kuliekɔ mɛni na bɛkpɛ bɛlɛ bekyuli bekpidi bamɛni nvo kudɔ. Na ɔdi biala uteti nwuna kɔnu utetuku bekyuli bammɔ lɛla lɛdi kalɛ na ɔgbankpi ɔmmɔ ɔdi uletuku ɔdi ɔ́si bana likpidi ɔsu.”
Na línu lɛdi bamba ka lɛ́si katɔ mmɔ na lɛɛsu lɛnini, “Mina bekyuli, bɛvi bɛlɛ ɔma ɔmmɔ kemmo kalɛ na bilabla ekpidi ani na ɔɔbla, na ɔgbankpi ɔni mebo nwuna bekyuli lɛlɔ ulebo amii lɛnɔ lɛlɔ!
Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.
Ɔsika ɔmmɔ udu uláyɔ Unwoti kaƒɔ, na ɔdubɔda-ma kɔtu bɔni ɔya.