Agba 24:16 - Katɔti Ɔku Kedee

¹⁶ Ɔsika si ina bébuli maatɛ muedi badubɔsɔ bata. Nsu si ɔgbankpi ɔ́siaku bekyuli bekpidi ama ni, ɔɔyila-ma ku udu kɔnakunwi.

Agba 24:16 Referans Kwoze

Kɔgya 34:19

Ukyuli ɔni nsiaku-nwu siin ni, ala lidu lidu akana na ekpoku-nwu nsu Unwoti ɔdubudie-nwu kede kede.

Kɔgya 37:24

Na si ɔ́gbanta ni, ulebuli, ɔsika Unwoti ɔdubɔda-nwu na unye ligeen.

Hiob 5:19

“Ɔdubudie-ɔ na ɔgbankpi biala kemmo ina dɛ na lɛɛlɛ́ku-ɔ taasia kama.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Agba 13:17

Ɔtalane ɔni naaagyi kalɛ beesié lɛtu ni, uuti lɛlɔ taatákya ɔgbankpi kemmo. Nsu ɔtalane ɔni ngyi kalɛ na baasu kenye ni, ɔɔyá na kayi kaayɔ́ bekyuli.

Amos 5:2

“Awɔ ɔni nse aani adagyaa ni, ébuli, na asɔ aaadubo bɔkana bɔta bunye ligeen kudii. Aanu-ɔ ntɛ enukplu ɔni na asɔ eeebo lɛla lɛdi bɔbla, na eeebo ukyuli ɔni mebunku-ɔ lɛnɔ.”

Kɔgya 52:5

Katɔti ɔdubo-ɔ bɔda na ɔkpɛ-ɔ ɔlɛku ƒula keliekɔ na ɔyila-a udu ƒui kede kede. Ɔdubo-ɔ bɔgyu budie ku ligyiitu aani kugyii na ekpi alɛ bayawine akɔ na kalɔ kamɛni lɛlɔ.

Samuel 1 26:10

Na ɔ́su-nwu ɔnini, “Unwoti ɔni nli ngba mɛni ɔlati ndubo-nwu bɔdu na kekpokɔ iye anwu ɔlati ndubo bukpi nwuna kukpi.

Kɔgya 7:16

Ɔmmɔ ɔsu ni, ama alati bana ekpidi ndubo-ma kɔtu bɔni. Na bana likyulikpi kasusu keenwíni teebo-ma lɛlɔ.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Samuel 1 31:4

Amu na Saul ɔ́su nwuna ekpola ala utine ɔnini, “Ni ƒula kewii kpa livuo kemmo na atu-mi adu, kalɛ na kadi bamba bekyuli bani na bétekulo-ma ago mɛni balábadu-mi na bataakun lɛmɛnɛ teedumi-mi.” Nsu Saul ekpola utine ɔmmɔ ɔ́yia ka ɔbla lɛni. Anwuɔsu Saul údie anwu ɔlati nwuna kewii na úbuli útébi-ka lɛlɔ.

Kɔgya 34:21

Alaekpidi ani na ukyuli ɔɔbla ni, anya kani ndubo-nwu bɔdu. Na ukyuli ɔni muukisi ukyuli ɔni nsiaku Unwoti kama siin ni, Unwoti ɔdubɔdu-nwu kɔtɔ.

Kɔgya 79:12

Unwoti, die kadi bekyuli bamɛni kasi akpa maatɛ na kalɛ na beedumi-ɔ kenye.

Agba 6:15

Nsu ɔgbankpi ɔdubɔsiaku-ma kɔnakunwi. Na badubɔyii udu ɔni na baaagyi beeese, na kakwɛ kadi keeebo.

Agba 24:22

Si ɔɔɔdi lɛni ni, awɔ ku-ma ƒui ndubo ɔgbankpi kemmo bɔyu butéduo, na bɛyii udu ƒui.

Yeremia 8:4

Unwoti ɔnini, “Amii Yerusalemƒuɔ, si ukyuli útulo na úbuli ni, bɔta na ɔsɔ ɔɔta. Na si ulu ukpidi lɛlɔ na ɔ́sia úsela ni, bunwini na uunwíni kama.

Yeremia 18:17

Si bina bekisine báta beekpó-mii ni, ndubo-mii bugyingya bɔkya aani ɔtumu ɔni na ɔƒɛƒɛɛ ɔni nási ɔƒɛ katukɔ uubó taavinku. Na ɔgbankpi limeyi lɛmmɔ lɛlɔ ni, ndubunwini kama lɛkya-mii.”

Ala Kalɔ Buse 19:35

Ɔmmɔ ɔsu béte bana ɔti ntɛ na ɔ́ni-mu úkpi usien ɔmmɔ lɛnɔ. Na ulekubi ɔnamudi lɛnɔ úsie útátɛ bana ɔti kudɔ. Na ɔƒɛni lɛnɔ ni, bana ɔti útati uwi ɔni na ulekubi ɔmmɔ úbatɛ-nwu kudɔ iye ɔ́ta ɔ́tɔlɔ.

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Agba 13:21

Alaekpidi bablane ni, ɔgbankpi mɔɔbi taasiaku-ma. Na kusɛ kusɛ ɔɔsia bekyuli babuni kama uwi ndi uwi.

Esekiel 7:5

“Lɛla lɛdi lítalɛ tɔ kudii aani ɔgbankpi ɔni udu nsia ulu ɔdubo mɛni kalɛ.