Agba 23:26 - Katɔti Ɔku Kedee

²⁶ O mina ubi, ti ƒula kayi te-mi. Na ƒula anu asia lɛnunda ulu ɔni mɔɔtina-a lɛlɔ.

Agba 23:26 Referans Kwoze

Kɔgya 119:2

Na lɛlɔ lɛdubɔyɔ bani ƒui mɔɔsia nwuna ɔda bubo anu na baadi-mu lɛlɔ ku bana kayi ƒui.

Lɛkpa Ulu 6:5

Anwuɔsu ɔlɛka bɛyɔ-nwu ku bina kayi ƒui ku bina kɔyu ƒui ku bina ɔyikun ƒui.

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Agba 4:4

Ɔ́tina-mi ala na ɔ́su-mi ɔnini, “Ƒie mina etemila da kpakplaa ku ƒula kayi ƒui. Di mina ɔda bubo lɛlɔ na adubulie ngba.

Luka 14:26

“Ukyuli biala ɔni muubo-mi kudɔ ni, ulakana-mi bɔtɛya si ulayɔ-mi teetulo ɔti ku uni ku ulekudi ku bebi ku nwuna banwani bananabi ku belekubi ku anwu ɔlati lɛlɔ muedi.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Kɔgya 107:43

Ukyuli biala na ɔ́da anu ni, use atu na unu etemila amɛni. Na ɔnu ɔti kalɛ na Unwoti ɔɔyɔ́ bekyuli uwi biala.

Petro 2 1:19

Ɔmɛni ɔsu bɔ́sɔ bɔ́ƒɔ kenye bediene linyese lɛmmɔ bɔ́di geen búbu. Na ɔlɛka amii lɛnɔ bise atu geen na binu-ni. Ɔsika lise aani ogya ɔni mɔɔda na kesii kani nse suu utálɛ uwi ɔni na kadi kadubugye. Na kadi bugye bɔmmɔ ndi Kristo bukeye bɔni ndubukeye na bula kayi kemmo aani kalɛ na ɔtanta ayabi eekeye lɛdigye.

Korintoƒuɔ 2 8:5

Na ala ani na bábla mɛni ni, étulo ala ani na abu alati bɔ́sia anu ka bakana bɔbla. Kudeedi ni, béti lɛlɔ béte Blɔti na béti lɛlɔ béte abu lɛnɔ aani kalɛ na Katɔti ɔɔwia.

Kɔgya 1:2

Mmomu lɛlɔ lɛɛyɔ́-ma ka bataadi Unwoti ɔda bubo lɛlɔ. Na beteeduo ɔda bubo litemi lɛmmɔ kemmo usien ku ɔƒɛ.

Kɔgya 119:24

Ƒula ala ani na aatina-mi mɔɔyɔ́-mi kaƒɔ. Na anya mɔɔlɛ-mi lɛnɔ.