Agba 21:4 - Katɔti Ɔku Kedee

⁴ Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Agba 21:4 Referans Kwoze

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Agba 6:17

ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Romaƒuɔ 14:23

Nsu si ukyuli ɔdi ɔɔdi lɛla lɛdi na nwuna kayi kalátunaku-nwu ni, báadu-nwu kɔtɔ kukuuku, ɔsika uládi lɛla lɛmmɔ na bɔƒɔtaadi kemmo. Na lɛla biala na ukyuli ɔɔbla na ɔɔɔkɛnku bɔƒɔtaadi lɛlɔ ni, ɔdi-nwu likpidi.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Agba 30:13

Baakɔliku lɛlɔ katɔ teetuloku lɛlɔ na baanu lɛla biala tapii.

Luka 11:34

Buse na ukyuli anumi ese aani asogya ute nwuna ɔlɔna. Si anumi aanu-ɔ kaduɛ ni, awɔ ukyuli umodi ɔmmɔ ni, use-ɔ nwaa ɔ́ka ɔ́mana. Nsu si ƒula anumi aaadia ni, agyi anii awɔ ukyuli ɔmmɔ akya lɛdisa kemmo.

Agba 24:20

Ɔsika bekyuli bekpidi beeebo lɛnunsia na ngba bɔni ndubo kemmo, ɔsika bana asogya ɔdubo buni.

Hiob 18:5

“Bunine na Unwoti uunine balalane asogya ɔni na bátu bada, na ɔsɔ ulédie unyemi na ukeye.

Hiob 18:6

Lɛdisa lɛɛƒɔ́-nwu kaduli, na nwuna kevo kemmo kaabla suu.

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Kɔgya 131:1

Unwoti Katɔti, likyulikpi ala bɔbla buuubo-mi kayi kemmo. Na mina anumi lɛnɔ alánu ala teetuloku lɛlɔ. Na lɛɛɛsiaku ala enengudi iye ala ani na etulo-mi kama.

Agba 6:16

Alakpa aku adi akya na Unwoti ukisi geen. Na maatɛ adi eesé-nwu lɛlɔ,

Yesaia 10:12

Ɔƒɛni si lebo lɛni na Unwoti Katɔti ɔ́sia Asiriaƒuɔ lɛlɔ ɔ́wɔlɔ lɛla lɛni na ɔɔwia ka ɔbla na Yerusalem ku Sion ni, ɔdubunwini na ɔsu ɔnini, “Ndubɔni Asiriaƒuɔ ɔga ku nwuna kadi bekyuli kɔtu, ɔsika uutú kɔnu kayi na ɔɔkun lɛmɛnɛ na ɔɔnu bekyuli bani lɛlɔ na ɔ́di ɔnusɛ.