Agba 21:30 - Katɔti Ɔku Kedee

³⁰ Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Agba 21:30 Referans Kwoze

Batalane Kabla 5:39

Nsu si Katɔti ablala na adi ni, bulakana-ma bɔbala. Si ɔɔɔdi lɛni ni, diɛdi bɛdubɔnu ka bunye buukpóku Katɔti ɔlati!”

Agba 19:21

Adubɔkana na eti kasusu kɔkwɛ pii, nsu Unwoti lɛƒɔyɔ kani ndubo bunye.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Yesaia 14:27

na úudie kɔnu úse na kɔnyi kemmo ka ɔni kayawi kɔtu na ɔdi uletile-nwu kuƒi.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Yona 1:13

Nsu ɔkɔlɔ ɔmmɔ kemmo bekyuli bákya ɔkplu ka basɔku ɔkɔlɔ ɔmmɔ besienku ketudɔ. Nsu uwi ɔmmɔ geen na ɔƒɛƒɛɛ ɔmmɔ ɔ́sɔ ɔ́nyi anyi úbu. Ɔmɛni ɔsu bátakana.

Batalane Kabla 5:38

Anwuɔsu lɛla lɛni na ami mɔɔsu-mii ndi ka ni, bɛnyonu bekyuli bamɛni. Si ala ani baatina ku ala ani baabla adi ama ɔlati adi ni, uwi uletu asa na ala amɛni adubugyingya.

Etemila 6:10

Lɛla biala mɔɔlɛ́ ni, lɛdi lɛla lɛni na Katɔti ɔ́ɔlɛ ugyii úse kukuuku. Na abu bekyuli bɔgyi kalɛ na buse ɔsu ni, buuubo unyeƒi ɔdi na bɔɔkyaku Katɔti, ɔsika ubo ɔyikun utulo-bu ƒui.

Yesaia 45:9

“Libui lɛvɔdi lilákyaku nwuna ɔvɔne unyeƒi. Anwuɔsu ni, Israel, eeebo kuƒi kɔdi ka awɔ ku ƒula Udiene bɛkya unyeƒi ɔdi, ɔsika lɛvɔbui kani na adi na ɔvɔne ɔ́vɔ-ɔ kalɛ na ɔɔyɔ́. Na lɛvɔbui liléye nwuna ɔvɔne ɔnini, ‘Bi ɔsu na ávɔ-mi lɛni iye átati-mi bɔvɔ na átabla-mi lɛmɛni ku lɛni ngye?’

Yosua 2:2

Amu na Yeriko ɔga ɔmmɔ únu ka Israelƒuɔ badi bébo ɔma ɔmɛni usien bébelie mɛni na bávi bánu bula kalɔ ƒui.

Samuel 2 11:9

Nsu Uria útesie kaduli, mmomu ɔ́tɛ Dawid kaduli kayakun kenye ku Dawid kabla bablane bakladi.

Baga 1 14:6

Anwuɔsu uwi ɔni na Ahia únu uleku ɔmmɔ bɔnya na nwuna kayakun kenye ni, ɔ́su ɔnini, “Yerobeam ulekudi, duo ɔtɔ. Bi ɔsu na ábla lɛlɔ aani ukyuli bamba na adi? Unwoti ɔ́kya-mi litemi likpidi kenye ka lɛsu-ɔ.

Baga 2 6:12

Amu na bana kabla bablane bammɔ kemmo unwi údie kenye ɔnini, “Bula ɔdi biala uuunye ɔga ɔmmɔ kama. Mmomu Elisa, Katɔti Kenye Udiene ɔni nkya Israel mmɔ, mɔɔsu Israelƒuɔ ɔga ɔmmɔ kɔtɛ kɔni na aatɛmi na ƒula katɔma muedi.”

Hiob 41:2

Adubɔkya-nwu kakwɛnimi enwu iye akya-nwu unungla kabuli na ada-nwu ataavinku?

Yesaia 36:5

Kekpo ɔyikun ku kɔkwɛ ni, ɔɔɔdi banii kenye kani na kadi. Na ɔma na aanu ɔsu na aawia ata enye Asiria ɔga ɔyikune lɛlɔ?