Agba 21:25 - Katɔti Ɔku Kedee

²⁵ Lɛla lɛni kani na bakɔsɔne badubɔsia anu ndi ka badubɔyii ku udu, ɔsika béni banii balabla kabla kadi.

Agba 21:25 Referans Kwoze

Agba 13:4

Bakɔsɔne baawia ala pii, nsu ɛlɛɛ muutúku-ma kɔnu. Nsu bekyuli bani mɔɔbla kabla kpakplaa ni, bana kabla kadubɔtɛ na badi bemo.

Agba 12:24

Si aabla kabla kpakplaa ni, adubɔtɔnku bekyuli. Na si aabla kɔkɔsɔ ni, adubunwini kabla ɔblane ete bekyuli bamba.

Mateo 25:26

“Nwuna unwoti ɔmmɔ ɔ́su-nwu ɔnini, ‘Kabla ɔblane ukpidi ku ɔkɔsɔne na adi. Agyi ka muudé edula na kesii kani na ńtava adi, na mɔɔƒɛ edula kesii kani na ńtagya lɛla lɛdi.

Agba 26:16

Bakɔsɔne baanu lɛlɔ ka ama mmomu náda anu betulo banundane kasusu betine maatɛ.

Agba 19:24

Kɔkɔsɔ kɔɔdi ɔkɔsɔne lɛlɔ geen ɔni na kalɛ na ɔmini adila ɔkya kenye muedi ɔɔda-nwu kɔkɔsɔ.

Agba 15:19

Ɔkɔsɔne ni, ala aláda-nwu bukpoku taaya nwuna ngba kemmo ƒui. Nsu ukyuli ɔni mɔɔsia nwuna kabla anu ni, nwuna keyi kaabla kpɛtɛ kpɛtɛ.

Agba 12:27

Kɔkɔsɔ kɔɔdi bekyuli lɛlɔ ɔni na ebuo ɔni bádu muedi ukyuli bamba muuƒulo-nwu teete-ma. Nsu bani mɔɔsia bana kabla anu ni, baada-ka kaduɛ.

Agba 20:4

Si kɔkɔsɔ kɔ́da-a kɔ́gya na átakana na aƒɔ ɔƒɔwi ni, aaadubo edula adi bɔkɛ na edula ɔƒɛwi.

Agba 26:13

Ɔkɔsɔne ubo kɔkwɛ pii kɔni na uuti taawia kuƒi teete lɛlɔ na ɔɔsu ɔnini, “Ɔƒɛni kalɛ gyata unye-mi ulu na ɔdubuƒie-mi si lɛ́lɛ lísie ntábla lɛla lɛdi. Sɔsɔ ngyi ka gyata ɔdi unye mmɔ!”

Agba 22:13

Ɔkɔsɔne ubo kɔkɔsɔ kɔkwɛ pii na uuti teete lɛlɔ kuƒi na ɔɔsu ɔnini, “Ɔƒɛni kalɛ si lɛ́lɛ lísie ntábla lɛla lɛdi ni, ndubo gyata bɔsiaku na ulu lɛlɔ na ɔdu-mi!”

Yosua 7:3

Na bási bébo bábasu Yosua banini, “Ɔsɔ utalɛka bekpone bammɔ ƒui bakɔ besie betékpoku Aiƒuɔ. Mmomu tala bekpone aani mpim inyɔ iye ɛtɛ na betékpoku-ma. Ɔsika ɔma ɔmmɔ útebomo na bekyuli bammɔ lɛnɔ beeemomo.”