Agba 21:16 - Katɔti Ɔku Kedee

¹⁶ Ukyuli ɔni naaasiaku kasusu kabuni kani na baakya-nwu lɛlɔ ni, anwu ku bekpine ndubo kɔkpana bɔdi.

Agba 21:16 Referans Kwoze

Hebriƒuɔ 10:38

Mina bekyuli bani mɔɔsiaku-mi kama siin ni, badubulie ngba na bana bɔƒɔtaadi kemmo. Nsu bani menwini kama makya-mi ni, lɛlɔ liláyɔ-mi na bana lɛlɔ.”

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Kɔgya 49:14

Bese aani baƒonu bani na kukpi ndanku-ma utádu ɔkya kaƒiɔtɔ kemmo. Na benwini adila bete-nwu. Na bekyuli bani nse siin badubo busie bɔvi-ma lɛlɔ. Na bana bɔdia bɔyii udu na kaƒiɔtɔ kemmo na bana kɔduli bonwu bonwu kɔmmɔ kɔsɔ kuwi ukpludi.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Agba 9:18

Nsu ɔmɛni ƒui ni, banana bammɔ baaagyi ka bana bani na uleku ɔmɛni ɔ́ɔka bɔkpali lɛni na bésie ni, kaƒiɔtɔ kemmo na bátáwɔlɔ.

Agba 2:13

Bekyuli bamɛni udu baada ulu geen ɔmmɔ taava na beeti ulu ukpidi ɔni néti-ma úselaku kasuudikɔ.

Agba 11:19

Bekyuli babuni baakɛ́ ngba. Na bekyuli bekpidi baasiáku kukpi.

Esekiel 18:24

“Nsu si bekyuli bekpidi bése kalɔ ku ngba bukpidi bulie na baabla ala ani muusé lɛlɔ ni, ɔmmɔ ɔdubɔya na belie ngba? Oowo! Mmomu bana lɛbuni lɛni na bábla bávi ƒui lɛdubo bɔyii na bayiƒala-nya. Na ɔmmɔ ɔsu badubo-ma bɔdu na bana ekpidi ɔsu.

Agba 5:23

Na nwuna lɛlɔ lɛlɔ takana bɔdi ɔsu na ɔdubo bukpi. Na nwuna kɔdɔlɔ pii ɔsu na ɔdubo bɔyii.

Agba 19:16

Si ádi Unwoti ɔda bubo lɛlɔ ni, adubɔkɛ ngba. Nsu si éni-mu ni, adubo bukpi.