Agba 21:13 - Katɔti Ɔku Kedee

¹³ Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Agba 21:13 Referans Kwoze

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Mateo 6:14

“Na si bíti bina bekyulikpana bɔƒiɔ bɛkyiɛ-ma ni, bina Katɔti lɛnɔ ɔdubuti bina ɔdi ɔkyiɛ amii lɛnɔ.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Mateo 7:2

Ɔsika Katɔti ɔdubɔtɛku-mii litemi aani kalɛ kani na amii lɛnɔ bɛɛtɛku bekyuli litemi. Na ulu ɔni lɛlɔ bɛ́sia bɛ́tɛku-ma litemi ni, ulu ɔmmɔ kani lɛlɔ na ɔdubɔsia ɔtɛku amii lɛnɔ litemi.

Kɔgya 58:4

Ugyulo ukpidi ɔkya-ma kenye aani balakpi kalɛ. Na atu éti-ma aani kalɛ na avan atu eeti.

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Batalane Kabla 7:57

Amu na báyoli momoomo na bétile bana atuƒi, na békeli bétéƒie-nwu.

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Yohane 1 3:17

Si ukyuli ɔdi ubo ala adi na ɔɔnu ka ɔnwani ɔɔyaki nsu útete-nwu kebunku kadi mmomu ɔ́da anumi údie ɔnwani ɔmmɔ lɛlɔ ni, dɛ na wakana bɔsu ɔnii ɔɔyɔ́ Katɔti?

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.