Agba 20:9 - Katɔti Ɔku Kedee

⁹ Ɔma ndubɔkana bɔsu ɔnini, “Ɔƒɛni amu lɛ́bla mina kayi sɛɛn, na nse kedee ɔsu likpidi lɛdi lɛsɔ lɛɛɛma-mi lɛlɔ?”

Agba 20:9 Referans Kwoze

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Baga 1 8:46

“Ukyuli biala uuubo na ulábla likpidi. Anwuɔsu si bábla likpidi lɛdi ni, ɔƒɛni kalɛ adubuti kɔnyi akya-ma, na anyonu-ma ete bana bekisine, na badubuƒie-ma batákya bana kɔlɔ kɔni na amadɔ iye ɔgyu kakaaka kemmo.

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Korintoƒuɔ 1 4:4

Mina kayi kaladu-mi kɔtɔ kɔdi. Nsu ɔmɛni uléte-mi ubo ɔnii lɛ́ɛlɛ sɛɛn na likpidi ku litemi bɔtɛ kemmo. Ɔsika Blɔti ndubɔtɛku-mi litemi.

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Ala Alɛdi 2 6:36

“Ukyuli biala ɔɔbla likpidi. Nsu si banii ƒula kadi bekyuli báƒiɔ-ɔ akana na eti kɔnyi kpakplaa geen na akana na aya na bana bekisine beƒie-ma batɔlɔku.

Romaƒuɔ 3:9

Na ɔƒɛni ni, bi na bɔkana bɔsu na abu Yudaƒuɔ lɛlɔ? Bubo kenyekɔ kabuni butulo bani naaadi Yudaƒuɔ? Kudii! Ɔsika lɛ́ɛtina ḿbavi ka likpidi lɛ́ƒɔ Yudaƒuɔ ku bani naaadi Yudaƒuɔ ƒui lɛnɔ lɛlɔ kemmo.