Agba 20:7 - Katɔti Ɔku Kedee

⁷ Bekyuli babuni beedie lɛgba lɛni mɔɔtina ka baadi bana litemi lɛlɔ geen. Na bana bebi bani nsia-ma kama ni, bekyuli badubute-ma kusɛ kusɛ.

Agba 20:7 Referans Kwoze

Kɔgya 112:2

Nwuna bawɔ badubɔkɛ ɔyikun geen na bana kadi bekyuli akɔ. Na kaba kani bekyuli nse siin na Katɔti anumi ni, lɛlɔ lɛdubɔyɔ-ma geen.

Kɔgya 37:26

Ukyuli ɔmmɔ ɔɔnu kɔnyana uwi biala. Uute ala lɛnɔ na uuvó teete bekyuli na kusɛ kusɛ ɔɔsiaku nwuna bebi.

Yeremia 32:39

Na ndubo bɔbla na bana kayi ayɔla ku bana kasusu kemmo kabla sɛɛn. Na badubo bɔnu bɔti ka na bana bɔdia ku bana bebi bɔdia ɔsu ni, ami lɛti pɛ kani na ɔlɛka bakpa. Na liƒu muedi lɛdubo-ma bɔda ka basɔ benwini kama bakya-mi. Na ndubo bunyimi bɔdi bunyimiku-ma na buuubo kawɔlɔkɔ kadi kudii. Na lɛɛɛdubo lɛbuni lɛnɔ bɔda bɔbla bute-ma bɔya kudii. Na muusé kenye ku mina kayi ƒui ka ndubo bɔya na basɔ benwini bebelie kalɔ kamɛni lɛlɔ kpi.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Agba 19:1

Ɔdia si adi ɔwabane na aadi litemi geen lɛlɔ utulo si adi ɔdɔlɔdi na aanyi ɔkɔ.

Agba 13:22

Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

Agba 14:2

Bekyuli bani mɔɔsia ulu ɔbuni lɛlɔ ni, baayia Unwoti. Na bani mɔɔsia ulu ukpidi lɛlɔ beení Unwoti.

Kɔgya 15:2

Ukyuli ɔni mɔɔdi Katɔti etemila ƒui lɛlɔ na nwuna ablala lɛnɔ ese siin ni, anwu kani ndubɔkɛ kuƒi kɔmmɔ. Nwuna etemila adi sɔsɔ na ɔkɔ ɔdi uuubo-nya kemmo.

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Kɔgya 26:1

Unwoti, tina ka lɛla lɛdi lɛɛɛda-mi na ete-mi ubo. Ɔsika lɛ́da lɛlɔ lídie likpidi ulu biala lɛlɔ na nsiku-ɔ kama siin na ntedeyi kesii bamba.

Yesaia 33:15

Nsu bekyuli bani nli ngba siin na baasu litemi geen lɛmmɔ ni, badubo bana lɛyuƒɔla bɔƒɔ ku bani na balayɔ ka baƒɔ egulabi adi na bɔbɛ kemmo iye benye ukyuli ɔdi lɛlɔ na beƒie-nwu lɛla lɛdi baƒɔ ku bani nkisi ka bewi ukyuli ubugya kalɔ na balayɔ lɛsɛ ku udunkpi bamba ƒui lɛnɔ ni,

Kɔgya 26:11

Nsu ami ni, mɔɔbla ala ani na ese siin. Nu-mi kɔnyana na edie-mi na ɔgbankpi biala kemmo.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Agba 14:26

Lɛla lɛdi lilekpoku bekyuli bani mɔɔyia Unwoti. Ɔsika Unwoti ɔdi katamikukɔ ute bana bebi.