Agba 20:1 - Katɔti Ɔku Kedee

¹ Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Agba 20:1 Referans Kwoze

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Agba 31:4

“Lɛla lɛdi lɛkya na lɛɛɛdia liiite baga. Lemuel, ɔɔɔdia uuute baga ka bataani ntɛ. Útalɛka ntɛ butaada batɔnkune ɔkwɛ.

Galatiƒuɔ 5:21

ku lɛnungyie ku ntɛ bukpi ku adikpi emeyi bɔdi ku ana udu. Na muubó-mii ɔda na ana lɛlɔ aani kalɛ na lɛ́ɛsu-mii ḿbavi ka bekyuli bani mɔɔbla ala ammɔ udu ni, baladi Katɔ Ɔga Ɔma ala!

Samuel 2 11:13

Dawid ɔ́lɔ-nwu ka ubadiku-nwu. Na ɔ́ya na ɔ́di na ɔ́ni ntɛ lɛnɔ na úkpi-mu. Nsu useyi ɔmmɔ lɛnɔ ni, Uria úni na útesie kaduli útatátɛ. Mmomu ɔ́sɔ ɔ́tɛ kesii kani na ɔ́tɛ kudeedi mmɔ ku Dawid kabla bablane bammɔ.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Hosea 7:5

Na limeyi lɛni na beesé ɔga ni, anwu ku nwuna benengu ƒui báni ntɛ békpi na baabla adɔlɔla.

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Agba 23:20

Tasiaku ntɛ bekpine ku adikpi badine ɔbladu kama!

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.

Yesaia 5:11

Na amii bani mɔɔta ɔtanta tutuutu teelie ntɛ bɔni lɛlɔ teetédu usien lɛdiba ni, Unwoti uwi úudu ka ɔkyula-mii.