Agba 2:1 - Katɔti Ɔku Kedee

¹ Mina ubi, si áƒɔ mina etemila, na áklibi mina ɔda bubo ése éte lɛlɔ,

Agba 2:1 Referans Kwoze

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Agba 1:3

Na bekyuli batɛya kalɛ na bada lɛlɔ kaduɛ na belie ngba buni, na babla ala na ulu lɛlɔ siin na adia lɛnɔ.

Agba 4:1

Mina bebi, bise atu na binu ami bina ɔti ɔda bubo. Bise atu na bɛkɛ ala kalɔ bunu.

Agba 7:1

Ubi, ƒie mina ɔda bubo da kaduɛ, na aklibi-mu ese na bɔƒɔ-ɔ lɛlɔ kemmo.

Agba 6:21

Bo-nya da ƒula kayi lɛlɔ uwi ƒui. Na ebo-nya ada ƒula limɔ.

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Agba 4:10

Ubi, nu-mi litemi na aƒɔ lɛla lɛni na mɔɔsu-ɔ. Ɔmmɔ ɔdubɔya na elie ngba na akwa emomo-ɔ.

Luka 2:19

Nsu Maria únyimo ala amɛni ƒui, na úti-nya lɛlɔ kasusu úsie ɔgyu.

Mateo 13:44

“Katɔti lɛga bɔdi bɔ́ƒɔ kuye aani lɛlakɛ libendi lɛdi. Uwi ɔdi kemmo ni, ukyuli ɔdi útákɛ lɛlakɛ lɛdi na béti bábala na kemo kadi. Mmɔ na ɔ́sɔku ala úbi lɛlakɛ lɛmmɔ lɛlɔ. Na ana kubiti ɔsu ni, úsie útéti nwuna ala ani ƒui na úbo úye, na únwini úsie útéye kemo kammɔ.”

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”

Luka 2:51

Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Kɔgya 90:12

Ya na bɔti ka bula uwi útene na kalɔ lɛlɔ mɛni na bɔda anu na bɔbla-a kabla.

Lɛkpa Ulu 30:13

Iye bɛsu bɛnii, “Ɔda bubo bɔmmɔ bɔkya ɛpu kama kama ngye. Na ɔma ndubusie ɛpu kama kama mmɔ na utéti-mu uboku-bu kalɛ na bunu-mu na bɔdi-mu lɛlɔ?”

Agba 8:1

Ɔɔɔdi bɔkpali na lɛnunda lɛda bekyuli? Na ɔɔɔdi ala kalɔ bunu muubó kudu momoomo mmɔ?

Agba 9:1

Lɛnunda lɛ́tu ɔtɔ, na nwuna kemmo kéwi. Na ɔtɔ ntɛ akpa maatɛ ada-nwu.

Agba 28:7

Ukyuli ɔni mɔɔdi ɔda bubo lɛlɔ ɔdi ubi ɔni mɔɔdá anu. Nsu ubi ɔni mɔɔdiku bakpana bekpidi ku badivone kɔkpana ni, ɔɔkya ɔti kɔƒa.