Agba 19:6 - Katɔti Ɔku Kedee

⁶ Bekyuli pii beevele ɔga ubi ka ɔbla-ma lɛƒɔndia lɛdi. Lɛni kani na ukyuli biala uudie ukyuli ɔni muute bekyuli ala kɔkpana.

Agba 19:6 Referans Kwoze

Agba 29:26

Bekyuli pii baawia ka bada bana litemi bava lɛlɔ ɔdine ɔdi anumi. Nsu litemi bɔtɛ ulu siin lɛlɔ ni, Unwoti kudɔ na ɔɔsí.

Agba 18:16

Ukyuli ala bute bɔdanku ala enengudi. Ɔkana na uti-ɔ usienku benengu bani mbo kenyekɔ geen anumi.

Agba 17:8

Ala ani beete ukyuli na bɔbɛ kemmo ni, etulo kuvo ete bani mɔɔbla udu ɔmmɔ. Baasia ɔmmɔ lɛlɔ na ala aatɛ teete-ma.

Agba 21:14

Etela ani baabɛla teete ukyuli aayá na kɔnyi kɔɔyɔ́ ukyuli. Na etela ammɔ udu aayala kayi.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Ala Kalɔ Buse 42:6

Na ɔƒɛni ni, Yoseƒ ndi aban ɔgadine unengu ɔni muuyé edula ammɔ teete kadi biala bekyuli. Ɔmmɔ ɔsu ka Yoseƒ banwani bammɔ lɛnɔ bébo ni, bábayu bébi kalɔ ku ɔbu na bégyele-nwu.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Mateo 2:11

Na ka béduo ɔtɔ ɔmmɔ kemmo na bánu ubi ɔmmɔ ku uni Maria ni, bálɛ akɔnkɔ na bémwi-nwu. Na báƒɛnimi bana kɔvumi na béte-nwu ala abuni adi ani ndi sika ugyiedi ku oloƒui ku klobo.

Agba 16:15

Si ɔga ɔɔmɔsi ni, agyi anii bibo ngba, na nwuna lɛƒɔndia lise aani ɔnantu ɔni mɔɔna na lɛla biala lɛɛsɔ taabla ɔwɔdi.

Kɔgya 45:12

Tire kadi bekyuli badubo bebete-ɔ ala abuni. Na balakɛne pii badubɔwia ka ayɔ-ma litemi.

Ala Kalɔ Buse 43:15

Ɔmmɔ ɔsu ni, nwuna bebi bammɔ béti sika ɔƒualadi ɔmmɔ akpa anyɔ aani kalɛ na ɔ́su-ma. Na béti etela ammɔ lɛnɔ ku Benyamin na bátɔlɔ bésie Egyipte na bétédie lɛlɔ bátina Yoseƒ.

Ala Kalɔ Buse 32:20

Na bitayiƒala ka bɛsu-nwu bɛnini, ‘Ƒula kabla ɔblane Yakob ɔkpɛ kama ɔdubo.’ ” Yakob ɔ́su-ma lɛni ɔsika ɔ́bla kasusu ɔnini, “Ndubuti etela ani na líti lɛ́tualaku lɛtɔtɔ mɛni lɛyala-nwu kaƒɔ. Na ɔmmɔ kama si uwi ɔni na ami ku-nwu búbasa anumi ku anumi ni, ɔƒɛni kalɛ ɔdubo enu bugyingya na ɔƒɔ-mi.”