Agba 19:23 - Katɔti Ɔku Kedee

²³ Si aayia Unwoti ni, ɔɔyá na eelie ngba na ɔɔgyumana-a kalɛ na ɔgbankpi ulálɛku-ɔ.

Agba 19:23 Referans Kwoze

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Agba 12:21

Ɔgbankpi kpakplaa ɔdi ulébo bekyuli babuni lɛlɔ. Nsu balalane ni, ɔgbankpi ulalɛ-ma ɔtɔ kemmo.

Kɔgya 90:14

Buuvele bɔnii ya na bɔnu bɔti kalɛ na aayɔ́-bu uwi ndi uwi, kadi biala négye na budie lɛnu ku lɛlɔyɔ na bɔkɛ ebiti bula ngba emeyi ƒui.

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Agba 10:27

Si aayia Unwoti ni, ngba buune-ɔ. Nsu balalane ngba bɔɔdá likuku.

Kɔgya 103:17

Nsu bekyuli bani mɔɔyia Unwoti ni, ama na ɔɔyɔ́ úsela uwi ƒui. Na nwuna lɛƒɔndia ku ala bɔbla ulu lɛlɔ siin use ute bana bawɔ bawɔ

Kɔgya 85:9

Geen ni, unye ka ɔƒɔ bekyuli bani ƒui mɔɔkpá-nwu kalɛ na ukeye na bula akɔ na kalɔ lɛlɔ mɛni.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Kɔgya 91:16

Ndubɔya-nwu na ulie ngba gyɔlɔɔ na udu-nwu ɔkwɛ na lɛƒɔ-nwu ngba.”

Kɔgya 25:13

Na badubo ngba bulie ku keyi buɛɛ. Na bana kaba kemmo bebi badubɔdi kayawi kamɛni lɛlɔ ala.

Timoteo 2 4:18

Blɔti ɔdubudie-mi na ɔgbankpi biala kemmo, na ɔdubo-mi bɔkpanku buɛɛ buɛɛ na liduo Katɔ Ɔga Ɔma. Bumwi na buute Katɔti ɔ́si ɔƒɛni úsela ƒui. Ɔsia lɛni.

Kɔgya 19:9

Ɔdia ka bekyuli beti ɔbu bete Unwoti na badubo butaabla lɛni uwi ndi uwi. Na kalɛ na Unwoti ɔɔtɛ etemila ni, use siin.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Kɔgya 91:10

ɔgbankpi iye likpidi bamba lɛdi lɛɛɛdubo-ɔ bɔlɛku na ƒula kaduli.

Agba 11:19

Bekyuli babuni baakɛ́ ngba. Na bekyuli bekpidi baasiáku kukpi.

Agba 19:22

Ukyuli lɛlɔ lɛɛda kubiti si aadi ƒula linyese lɛlɔ. Si adi ɔwabane ni, ɔdia utulo ka ataatuala na ataasu inye inyɔ inyɔ.

Agba 3:24

Si áyu átɛ ni, liƒu biala lilada-a, mmomu adubɔlɛɛ na lɛlɛɛ lɛyu-ɔ.

Agba 22:4

Lɛlɔ kalɔ buboku ku Unwoti bɔyia ulu geen lɛlɔ ɔɔyá na lɛlakɛ ku ɔbu ku ngba buumomo ukyuli.