Agba 18:15 - Katɔti Ɔku Kedee

¹⁵ Banundane baawia kpakplaa ka baƒɔ bekyuli bamba kasusu. Na sɔsɔ na ɔdi ka baawia ka bekyuli bete-ma kasusu.

Agba 18:15 Referans Kwoze

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Agba 15:14

Ɔnundane ni, litemi geen kama bɔsia kɔka mɔɔda-nwu. Na ɔdɔlɔdi ni, ala ani neeebo kɔsia lɛlɔ na ɔɔkɛ́ ebiti.

Luka 10:39

Marta ɔmɛni ubo ɔnwani ulekubi ɔni baalɔ Maria. Anwu ɔ́yu úlie Yesu kudɔ na uunú-nwu ala ani na ɔɔtina.

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Agba 9:9

Tina banundane ala na badubɔda anu bebu. Na atina ama bani nlie siin ala na badubɔti ala bebu.

Agba 4:7

Lɛla linengudi ƒui lɛni na ɔlɛka awia ndi lɛnunda. Ina ka ɔdanku ƒula lɛla biala ni, nu ka ebo ala kalɔ bunu na lɛla biala na aabla kemmo.

Agba 1:5

Na bani na báda anu ni, bana lɛnunda lɛɛkɔ́ katɔ teebu. Na bani mɔɔnu ala kemmo taati lɛnɔ bati bana kasiakɔ.

Baga 1 3:9

Anwuɔsu te ami ƒula kabla ɔblane kayi kani na liti lɛda ƒula bekyuli bamɛni na lɛnu lɛbuni ku likpidi lɛti. Ɔsika si átabla ɔmɛni ni, ɔma ndubɔkana ƒula bekyuli pii bamɛni udu bɔda?”

Agba 10:14

Lɛlati lɛ́ƒɔ banundane kuye, nsu badɔlɔdi adɔlɔtɛ eeboku lɛlɔ bukpoku.

Agba 4:5

Nu ka ebo lɛnunda ku ala kalɔ bunu. Na tayiƒala mina etemila iye edeyi-nya kudɔ esie kesii bamba.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Agba 15:31

Si ukyuli údie-ɔ bɔƒiɔ na ɔ́tina-a kasiakɔ ni, adubɔkɛ kelie na banundane akɔ.

Hiob 8:10

Na bula bati kuuku bammɔ ama bebo lɛlati na badubɔkana na batina-a lɛla.