Agba 16:5 - Katɔti Ɔku Kedee

⁵ Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Agba 16:5 Referans Kwoze

Agba 11:21

Ɔbla-a nwaa ka Unwoti ɔdubɔni bekyuli bekpidi kɔtu. Nsu bekyuli babuni bebi ni, badubɔlɛ sɛɛn ɔni na lɛla lɛdi lilabla-ma.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Hiob 40:12

Sia bana ƒui anumi, na ayila balalane bammɔ ƒui udu.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Israelƒuɔ Bɔlɛ 20:7

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Agba 6:29

Lɛni geen na use ute ukyuli ɔni matɛ nwuna ɔkpana ulekudi kudɔ. Na ukyuli ɔni makya ɔkpana uleku kɔgbu ni, badubɔni-nwu kɔtu.

Agba 16:4

Unwoti nábla lɛla biala ɔkɛnku nwuna kasusu kani kenye na ɔɔwia lɛla lɛmmɔ. Na bekyuli bekpidi muedi benye bete ka bani-ma kɔtu.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Yeremia 13:15

Amii Yudaƒuɔ, bitatalaku lɛlɔ katɔ lɛni bitetuloku ka binu lɛla lɛni na Unwoti ɔ́su.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.