Agba 15:8 - Katɔti Ɔku Kedee

⁸ Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 15:8 Referans Kwoze

Agba 15:29

Unwoti ɔ́gyunku bekyuli bekpidi kudɔ ƒui. Nsu uunú bekyuli babuni kenye si baakpali-nwu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Yohane 4:24

Ka Katɔti ɔdi Kɔyu ɔsu ni, ɔlɛka bekyuli bani nsiaku-nwu ƒui bakɔliku-nwu lɛnyi katɔ ku nwuna Kɔyu ɔyikun na litemi geen kemmo.”

Etemila 5:1

Ti lɛlɔ bɔda si éduo Katɔti kakpakɔ. Na esie atábla kpoo na ese atu enu ala na tababla asu ka atábla akpala aani ɔdɔlɔdi kalɛ na alati anii adaku Katɔti bɔƒiɔ.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Lɛnu Ƒui Ɔnu 2:14

Ese ete-mi aani mina lɛmangbɛ lɛni nábɛla lɛlɔ ɔkya atabi ubu kemmo na lɛtakpɛ bonwu lɛni nƒa kemmo. Nwini na aya na lɛsɔ lɛnu ƒula bɔdia! Na aya na linu ƒula lɛdi mini mini lɛmmɔ.

Kɔgya 17:1

Unwoti, nu-mi buvele na atɛ mina litemi siin. Nu-mi keku kani na muuwulo taakpali-ɔ, ɔsika ɔkɔ etemila eeebo-mi kenye kemmo.

Lewiƒuɔ Ɔda Bubo 7:18

Anwuɔsu si unwi bɔbla akpala ebuo ɔmmɔ lɛna lɛdi líbu limeyi lɛtɛdi na ɔdi ɔ́kun-ni ni, lɛɛɛdubo ukyuli ɔmmɔ bɔƒɔ ulu ɔdi lɛlɔ. Na akpala ammɔ aaadubo kɔsia kɔdi bɔlɛ bute ukyuli ɔmmɔ mmomu ɔdubɔkya-mi kɔnyi geen na ndubɔdu-nwu kɔtɔ geen.

Agba 10:24

Ala ani na balalane baayia ka atalɛku-ma ni, anya geen ndubɔlɛku-ma. Na lɛni kani na bekyuli babuni ala ani lɛlɔ na bebo lɛnunsia adububo ete-ma.

Agba 15:7

Banundane kani mɔɔkana na baakya ukyuli kasusu buni. Na badɔlɔdi balakana ɔmɛni bɔbla.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Mika 6:7

Baƒonu mpim mpim ndubɔda-a kubiti? Munuu nnɔmii ƒɛƒɛɛ na muuti liboku na butaagba aani ketu na ɔdubɔƒɔ-ɔ anu? Munuu mina ubi ɔnanabi udeedi na ndubuti lɛkpa-a na mina ekpidi bonwu lili na ɔƒɔ-ɔ anu?”

Hagai 2:14

Mmɔ na Unwoti ɔ́su Hagai ɔnii ɔsu bekyuli bammɔ ɔnini, “Lɛni geen na kadi bekyuli bamɛni ƒui bese ɔƒaani. Na lɛla biala na bɛɛbla ku akpala biala na bɛɛbla ni, eesé-mi lɛlɔ na naaaƒɔ-nya.

Samuel 2 15:12

Na uwi ɔni na Absalom ɔ́kya ɔɔbla akpala ni, ɔ́ya na bátálɔ Ahitoƒel ɔni nási Gilo ɔma kemmo na ɔdi Ɔga Dawid kasusu betene akɔ unwi ka ɔsi nwuna ɔma Gilo ubo. Kalɛ na Absalom ɔ́bla ala ammɔ ɔ́vinku ɔsu ni, nwuna kama basiakune katɔ kani na baakɔ́.

Baga 1 3:10

Na lɛla lɛni na Salomo úye mɛni lɛ́da Unwoti kubiti.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.

Daniel 9:23

Katɔti uuti-ɔ lɛlɔ kasusu geen, anwuɔsu uwi ɔni kani na ése kalɔ aakpali-nwu kani na ɔ́tala-mi ka libo mbedie ala ammɔ kalɔ lite-ɔ.

Mika 6:6

Na bana akɔ ɔdi ɔdubɔkana na uye ɔnini, “Unwoti, bi na ndubuti liboku mbakpa awɔ ɔni na ƒula lɛnyi lɛ́kɔ katɔ kakaaka mɛni si uwi ɔni na líbo nnii mbakya-a lili kalɔ? Ɔmantɛ bakɔ bakɔdi bani náƒɔ lɛkwa linwi na bélie lɛmwi na baadia bɔnu teetulo ƒui na muuti liboku?

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.