Agba 15:18 - Katɔti Ɔku Kedee

¹⁸ Ukyuli ɔni na uuubo kayi buɛɛ ɔɔkya kekpo. Nsu ukyuli ɔni na ɔ́da kayi ɔ́va kalɔ buɛɛ ni, ɔɔyala kekpo kammɔ.

Agba 15:18 Referans Kwoze

Agba 26:21

Ukyuli ɔni mɔɔyɔ́ kadɔ uuubo kekpo bɔkya aani kalɛ kani na ogya egyiiku akukudi eeebo ogya bɔƒɔ iye agyabi aayá na aƒɛ aaƒɔ́ ogya.

Agba 15:1

Kɔnyi kulakɔ ukyuli si éboku lɛlɔ kalɔ na édie litemi kenye buɛɛ. Nsu etemila bɔtu taalɛ ukyuli ɔɔyá kɔnyi kuubo.

Mateo 5:9

Lɛlɔ litaayɔ bekyuli bani mɔɔklibi bekyuli ntɛ. Katɔti ɔdubɔlɔ-ma ɔnii nwuna bebi geen.

Agba 29:22

Ukyuli ɔni muuti kɔnyi pla pla ni, ɔɔkya kekpo. Na kɔnyi kɔmmɔ kɔɔyá na ɔɔbla ekpidi lidu lidu.

Agba 14:29

Bekyuli bani mɔɔkana bana kɔnyi bɔbala ni, bebo lɛlati. Na bani muuti kɔnyi pla pla ni, badubo bɔƒiɔ.

Etemila 10:4

Si ƒula ɔtɔnkune ɔ́kɛ kɔnyi ɔ́kya-a ni, teni ƒula kabla na ada-ka ewi. Ɔsika lɛlɔ kalɔ buboku buɛɛ uutile na uuboku kɔnyi ku ala pii kalɔ.

Agba 16:28

Ukyuli ɔni mɔɔwia ka bekyuli beteekpoku lɛlɔ ni, lɛsɛ ogya na ɔɔkya bekyuli akɔ. Na bekyuli anyikpi bɔlɔ ni, uugyingya bakpana babuni muedi ntɛ.

Agba 10:12

Ukyuli bukisi bɔɔkya kadɔ ɔgya. Nsu bɔyɔ bɔsɔ bulánu likpidi na ukyuli lɛlɔ.

Agba 28:25

Sika lɛnungyie muuboku kekpo. Na anu buti bɔsia Unwoti lɛlɔ mɔɔyá na keyi kaadianku ukyuli.

Agba 25:15

Kayi buɛɛ kadubɔkana na kenwini ɔgabi ɔdi kasusu. Na lɛdi buɛɛ butemi bɔdubɔkana na bɔdi ukyuli ɔni mɔɔkyaku-ɔ unyeƒi lɛlɔ.

Samuel 2 19:43

Amu na Israelƒuɔ bédie Yudaƒuɔ bammɔ kenye banini, “Bubo kadikɔ akpa leevu na lɛgadi lɛmmɔ kemmo. Na si banii buti-nwu ulu ɔmmɔ lɛlɔ ni, bubo kuƒi na Dawid lɛlɔ butulo-mii, ɔsika abu náka kasusu buboku ka bɔsɔku bula ɔga buboku. Anwuɔsu ulu ɔmani lɛlɔ ɔsu na bɛɛnu-bu anumi?” Nsu Yudaƒuɔ bétete Israelƒuɔ lɛla lɛdi bɔsu.

Agba 15:19

Ɔkɔsɔne ni, ala aláda-nwu bukpoku taaya nwuna ngba kemmo ƒui. Nsu ukyuli ɔni mɔɔsia nwuna kabla anu ni, nwuna keyi kaabla kpɛtɛ kpɛtɛ.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Agba 22:24

Da lɛlɔ mami na bekyuli bani muuti kɔnyi pla pla lɛlɔ.