Agba 15:15 - Katɔti Ɔku Kedee

¹⁵ Ɔwabane ni, limeyi biala ala eekpóku-nwu. Nsu bani na lɛlɔ lɛɛyɔ́ ni, ngba bumodi bɔdi limeyi bɔdi bute-ma.

Agba 15:15 Referans Kwoze

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Agba 15:13

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Agba 17:22

Ebiti bɔkɛ na kayi kemmo ɔdi kuvo ute ukyuli ɔmmɔ. Nsu kɔyu kɔni nsɔ neeebo lɛnunsia ɔɔyá na ɔyikun ɔɔsá ukyuli ɔmmɔ.

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Korintoƒuɔ 2 1:5

Ɔsika kalɛ na buubó abi geen ani udu na Kristo lɛnɔ úbo na Katɔti ɔ́sia-nwu kɔnu ni, lɛni kani na ɔkɛ bula unwi bɔbla ku Kristo na Katɔti lɛnɔ ɔɔsia-bu kɔnu geen.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Agba 16:22

Lɛla bɔti bɔbla ulu ɔbuni lɛlɔ ni, ɔdi libiɔ ute bekyuli bani mɔɔbla lɛni na baaní ntu bɔmmɔ teelie ngba. Nsu si átina badɔlɔdi ulu ɔmmɔ ni, keeke na eebó abi, ɔsika balakpete-ɔ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Ala Kalɔ Buse 47:9

Amu na Yakob údie kenye ɔnini, “Akwa eti anyɔ ku avlaatɛ mɛni ka nkɛ muusié mina ngba ulu. Akwa alɛɛ kani na lɛ́ɛƒɔ na adanku lɛbibo geen. Na mina akwa étedu ngba ulu ɔni na mina bati bésie.”

Ala Kalɔ Buse 37:35

Yakob bebi bananabi ku belekubi ƒui bébo bábasia-nwu kɔnu, nsu útada buwulo útaya. Na ɔ́su ɔnini, “Lɛla lɛmɛni lilása-mi buduo. Na ndubo buwulo laa ntéduo kaƒiɔtɔ kemmo na mina ubi kudɔ.” Ɔmmɔ ɔsu úwulo ubidi ɔmmɔ geen.

Agba 15:14

Ɔnundane ni, litemi geen kama bɔsia kɔka mɔɔda-nwu. Na ɔdɔlɔdi ni, ala ani neeebo kɔsia lɛlɔ na ɔɔkɛ́ ebiti.

Agba 15:16

Ɔdia si aayia Unwoti ina eeebo ala pii utulo si ebo lɛlakɛ na bɔnwuna buuubo-ɔ kaduli.