Agba 15:14 - Katɔti Ɔku Kedee

¹⁴ Ɔnundane ni, litemi geen kama bɔsia kɔka mɔɔda-nwu. Na ɔdɔlɔdi ni, ala ani neeebo kɔsia lɛlɔ na ɔɔkɛ́ ebiti.

Agba 15:14 Referans Kwoze

Agba 9:9

Tina banundane ala na badubɔda anu bebu. Na atina ama bani nlie siin ala na badubɔti ala bebu.

Yesaia 30:10

Amii mɔɔsu Katɔti kenye bediene ku nwuna batalane bɛnii, “Bitakɔ litemi buni lɛdi lɛsa bitete-bu, na bitasu-bu kenye kabuni kadi kani na Unwoti úbo-mii ɔda ɔnii bɛsu-bu lɛnɔ. Mmomu bɛsu-bu bula kayi lɛyɔla ku ala abuni ani ana na buugyé.

Agba 18:15

Banundane baawia kpakplaa ka baƒɔ bekyuli bamba kasusu. Na sɔsɔ na ɔdi ka baawia ka bekyuli bete-ma kasusu.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Agba 1:5

Na bani na báda anu ni, bana lɛnunda lɛɛkɔ́ katɔ teebu. Na bani mɔɔnu ala kemmo taati lɛnɔ bati bana kasiakɔ.

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Kɔgya 119:100

Na ngyi enengula ntulo benengu geen bammɔ alati, ɔsika nda ƒula ɔda bubo bɔmmɔ geen.

Kɔgya 119:97

Nu kalɛ sɔɔn na mɔɔyɔ́ ƒula litemi. Na mɔɔbla kasusu taasiku-ni lɛlɔ uwi biala.

Agba 12:23

Banundane belebo bana lɛlati kudu. Nsu badɔlɔdi ama beedie bana kɔdɔlɔ keyi.

Agba 15:15

Ɔwabane ni, limeyi biala ala eekpóku-nwu. Nsu bani na lɛlɔ lɛɛyɔ́ ni, ngba bumodi bɔdi limeyi bɔdi bute-ma.