Agba 14:16 - Katɔti Ɔku Kedee

¹⁶ Banundane baatí lɛlɔ kalɛ na beekeli ɔgbankpi. Badɔlɔdi ama baatu lili taakya lɛla biala kemmo ku kayi kekpidi.

Agba 14:16 Referans Kwoze

Agba 22:3

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Agba 3:7

Ƒula anumi atatɔlɔ-ɔ na anu lɛlɔ ɔnundane. Mmomu yia Unwoti na enwini kama akya likpidi.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Agba 29:9

Si ɔnundane úti ɔdɔlɔdi úsienku litemi katɛkɔ ni, kɔvanu kukpludi ku kɔdɔlɔ ala kani na mɔɔlɛ́ ɔdɔlɔdi ɔmmɔ kenye na uléboku keyi buɛɛ.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Agba 16:17

Ukyuli ɔni mɔɔsia nwuna ablala anu kaduɛ ni, nwuna ulu ulásia likpidi kavinkɔ. Na ukyuli biala nda nwuna ngba lɛni ni, ubo bɔƒɔ.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Ala Kalɔ Buse 33:9

Amu na Esau ɔ́su Yakob ɔnini, “Mbo ala pii kukuuku, anwuɔsu ya na awɔ adi lɛnɔ eteese-ɔ.”

Agba 7:22

Na únwini ɔ́siaku-nwu kɔnakunwi aani ebuo ɔni bésela batádu iye akwa ɔni nánu kakpagyuɛ,

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Baga 1 20:18

Amu na ɔga ɔmmɔ ɔ́su-ma ka, “Si keyi buɛ kemmo na bakɛ ni, biƒie-ma nsu bitadu-ma. Na si kekpo lɛnɔ ɔsu bakɛ muedi ni, bitadu-ma.”

Baga 1 19:2

Mmɔ na Ahab ulekudi Isebel úti kenye úmene Elia ɔnini, “Asa na uteedu kɔnaadi ɔƒaalɛ bene si ńtaya na awɔ lɛnɔ ekpi aani bana kalɛ ni, na baƒiɔ bammɔ bani-mi kɔtu biala na baayɔ́.”

Yohane 9:40

Ka Ƒarisiƒuɔ bani nkya-ma akɔ bénu lɛla lɛni na Yesu ɔ́su ni, béye-nwu banini, “Bi na aasu? Abu lɛnɔ banumbwɛne na bɔdi?”

Etemila 10:13

Badɔlɔdi balabla kasusu si baatɛmi. Na ɔmmɔ muuboku-ma ɔgbankpi na kawɔlɔkɔ.

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Kɔgya 34:14

Ɔda likpidi bɔbla ɔya na utaabla lɛbuni, na ɔsia ulu biala lɛlɔ na nwuna kayi kabla ƒaa ku bekyuli ƒui.

Agba 14:15

Bekyuli bani kasusu násɔ ni, ama mɔɔƒɔ́ lɛla biala taadi. Nsu bani mɔɔsia lɛlɔ anu kaduɛ ni, baabu lɛla biala lɛlɔ taanu asa na beedie ɔgba.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Bumomo Bɔka 22:27

Uwi ɔmɛni kemmo ka ebuo ɔmɛni ɔ́sɔ ɔ́nu Unwoti ɔtu ɔmmɔ ni, ɔ́yu úbi kalɔ, na kalɛ na ebuo ɔmɛni ɔ́bla ɔsu Bileam ɔ́kɛ kɔnyi geen na úti ugyii ɔni na ɔda na úse kalɔ uubi ebuo ɔmɛni kaduɛ.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Agba 1:32

Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.