Agba 12:25 - Katɔti Ɔku Kedee

²⁵ Ukyuli ulalɛ lili si kasusu keekpóku-nwu. Na etemila ani muusé kayi aayá na lɛlɔ lɛɛƒɛnimi-nwu.

Agba 12:25 Referans Kwoze

Agba 16:24

Etemila ani mɔɔyu kayi ni, ese aani uwɔ. Aayu kɔyu emini na ɔlɔna ɔɔkɛ́ ɔlɔkplu.

Agba 15:13

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Agba 17:22

Ebiti bɔkɛ na kayi kemmo ɔdi kuvo ute ukyuli ɔmmɔ. Nsu kɔyu kɔni nsɔ neeebo lɛnunsia ɔɔyá na ɔyikun ɔɔsá ukyuli ɔmmɔ.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Agba 15:23

Lɛlɔ lɛɛyɔ́ ukyuli ɔni muudie lɛla lɛdi kenye teete ɔnwani ulu lɛlɔ nwaa. Ɔdi lɛla lɛni mɔɔyu kayi si ásu lɛla lɛdi na uwi ɔni na basu-ni lɛlɔ.

Sakaria 1:13

Na kenye kani na Unwoti ɔ́su nwuna ɔtu ɔmɛni lɛɛsia-nwu kɔnu na lɛɛkya-nwu kayi ɔkplu lɛnɔ.

Agba 12:18

Bekyuli badi beedie ala taalɛ bekyuli na aatu kayi. Nsu banundane etemila aabwi bekyuli bani kayi muunú ɔlɛ.

Agba 27:9

Bɔlɛ bɔni na ƒula ɔkpana ɔ́lɛ-ɔ na bɔ́ƒɔ-ɔ anu ni, buse aani ugyulo ƒɛƒɛɛ ɔni baakyula iye nnɔmii ƒɛƒɛɛ bɔni baawɛɛ.

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Agba 18:14

Ukyuli kɔyu kɔɔkya ɔlɔna ɔni muuƒi kemmo. Nsu ni, ɔma na si nwuna kɔyu kɔ́yii udu na nwuna ɔlɔna ɔdubɔkana bunye?

Agba 25:11

Kasusu kani beete ukyuli na uwi ɔbuni lɛlɔ use aani adingyii ebi ani négyie kaduɛ na bátɛ-nya bákya sika ɔƒualadi lɛkyami kemmo.

Kɔgya 38:6

Lɛ́goglo nkɛ na muunú ɔlɛ geen na muuwulo kɔnyana limeyi limodi ƒui.

Agba 15:15

Ɔwabane ni, limeyi biala ala eekpóku-nwu. Nsu bani na lɛlɔ lɛɛyɔ́ ni, ngba bumodi bɔdi limeyi bɔdi bute-ma.

Agba 14:10

Ukyuli biala ku kalɛ na lɛla lɛdi liikpóku-nwu kayi. Na ukyuli uláti kalɛ geen na lɛlɔ lɛɛyɔ́ ukyuli bamba na nwuna kayi kemmo.

Agba 12:26

Bekyuli babuni baakya bana bakpana kasusu kabuni. Nsu bekyuli bekpidi ama baatɔ́lɔ bana bakpana taatáyila.

Agba 15:30

Si áƒɛnimi anumi ákya ukyuli ni, kayi kaayɔ́-nwu. Na si énu kenye buni ni, ɔɔkya ɔlɔna ɔkplu.