Agba 12:23 - Katɔti Ɔku Kedee

²³ Banundane belebo bana lɛlati kudu. Nsu badɔlɔdi ama beedie bana kɔdɔlɔ keyi.

Agba 12:23 Referans Kwoze

Agba 13:16

Banundane baaka kasusu bɔbla asa na baabla ala. Uuuse lɛni ku badɔlɔdi, na baakun lɛmɛnɛ lɛnɔ taasia ɔmmɔ kama.

Agba 11:13

Katɛ ɔtɛne keeke mɔɔví teebo abɛla kudu. Nsu ukyuli ɔni báƒɔ bádi ka ulátɛmi kalɛ kalɛ ni, baasu-nwu kɔbɛtɛ.

Agba 10:14

Lɛlati lɛ́ƒɔ banundane kuye, nsu badɔlɔdi adɔlɔtɛ eeboku lɛlɔ bukpoku.

Agba 15:2

Ɔnundane ni, ala bɔtɛya bɔdi-nwu ebiti. Na badɔlɔdi ni, bágyu kenye beti beedie kɔdɔlɔ keyi.

Agba 10:19

Sɔ tatɛmi pii, ɔsika atɛ pii aadanku likpidi. Da anu na akɔsi atɛ bumomo!

Etemila 10:3

Si ina ɔgbami na ɔdɔlɔdi ɔkɛ muedi ni, nwuna busie lɛti lɛti bɔɔtina-a kalɛ na ɔ́dɔlɔ.

Agba 18:2

Ala kalɔ bunu ogya ɔdi ulákya badɔlɔdi kudi kudii! Ama bana kasusu kani na beebó kudu.

Agba 29:11

Ɔdɔlɔdi uuti kɔnyi taayila kalɔ na ulanu kama. Nsu ɔnundane anwu ɔɔda lɛlɔ na ɔɔbɛla nwuna kɔnyi.

Samuel 1 10:16

Saul údie kenye ɔnini, “Ɔ́su-bu ɔnii bɔsɔ butekpoku lɛlɔ, ɔsika báanu bebuo ala betine bammɔ.” Na ɔmmɔ kani na Saul ɔ́su nwuna ɔti ɔwani. Nsu útasu-nwu ka Samuel ɔ́su ka anwu Saul ndubo ɔga bunwini.

Nehemia 2:12

líti-ku bekyuli blii badi, na búsie bɔ́vi ɔma ɔmmɔ kemmo usien ɔdi. Nsu ńtasu ukyuli ɔdi lɛla lɛni na Unwoti úti ɔ́sia-mi kayi ka mbla na Yerusalem. Na ebuo ɔdi biala muedi uuude-mi amu ntu ɔpɔnkɔ ɔni lɛlɔ kani nli.

Nehemia 2:16

Na ukyuli biala ɔɔɔgyi lɛla lɛni mɔɔbla ku kesii kani na lísie. Ɔsika ńtasu Yudani ɔdi iye Katɔti bakpane bammɔ badi iye kabla bablane bani mabla awodu bɔtu kabla kamɛni.

Agba 14:33

Ukyuli ɔni muunú ala kalɔ ni, ubo lɛnunda na lɛ́ƒɔ-nwu kuye geen na nwuna kayi kemmo. Nsu badɔlɔdi balánu lɛnunda kɔsia.