Agba 12:11 - Katɔti Ɔku Kedee

¹¹ Bekyuli bani mɔɔbla kabla kpakplaa bebo adila pii na badi bemo. Nsu si éni kabla na akɛ eebile uwi taavi ni, ɔdi kɔdɔlɔ.

Agba 12:11 Referans Kwoze

Agba 28:19

Bekyuli bani mɔɔbla kabla kpakplaa bebo adila pii na badi bemo. Nsu si éni kabla na akɛ eebile uwi taavi ni, ayaki adubɔda-a.

Agba 14:23

Kabla keeboku kɔsia. Nsu atɛ keeke adanku kɔwaba.

Kɔgya 128:2

Ɔsika ɔdubɔdi nwuna enu kemmo kabla na ɔdubɔbla-nwu lɛlɔyɔ sɔsɔ ka keyi kadubɔyɔku-nwu ɔsu.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Tesalonikaƒuɔ 2 3:8

Búteti bula etila bútasia ɔdi lɛlɔ. Na mmomu bɔ́bla kabla kpakplaa usien ku ɔƒɛ ɔni na ɔdi útebo bula lɛlɔ bɔnu kayu.

Agba 9:6

Na bɛda bina adɔlɔla bɔbla bɛya na bise kalɔ ku ngba geen bulie na bɛda anu lɛnɔ.”

Agba 14:4

Bebuo lɛyu lɛni kemmo na ebuo ɔdi uuubo ni, liisé sɛɛn. Nsu kɔsia kɔdi kulasi lɛyu likpludi lɛmmɔ kemmo.

Agba 7:7

Na lɛ́nu bani na bana kasusu kásɔ mmɔ. Badi bakloƒu bani nási baakɔ́ mɛni akɔ unwi. Na ɔɔɔgyi lɛbuni ku likpidi kavumana.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Ala Kalɔ Buse 3:19

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Agba 6:32

Na ɔnana ɔni nádi kɔsɔnɔ ni, ɔdɔlɔdi geen na ɔdi, ɔsika ɔɔyila nwuna lɛlɔ udu ƒui.

Agba 9:16

“Bo-mi kudɔ na abanu lɛla lɛdi na mina kaduli!” Na bani neeebo kasusu ni, ɔɔsu-ma ɔnini,

Agba 9:13

Uleku ɔni básia lɛnyi banii Kɔdɔlɔ ni, ubo lɛsɛ na uláƒalɛ. Ɔɔɔgyi lɛla lɛdi, nsu anwu ɔlati ɔɔɔgyi lɛni.

Kɔgya 26:4

Naaadiku ɔkɔ banyine ku anumi lɛlɔ bekyuli kɔkpana.

Litemi Batɛne 9:4

Na béte Abimelek sika ɔƒualadi ɔni unu mabla aani antabi lɛkyami kakɛ básiku Baal-Berit koƒiodu. Na Abimelek úti sika ɔƒualadi ɔmɛni na útéti bekyuli badi bani mbo likyulikpi na kayu kenye ka basiaku-nwu kama.

Yona 2:8

Bani mɔɔkpá baƒiɔ ku bani neeebo kɔsia kɔdi bénwini kama bákya awɔ ɔni mɔɔbla-ma lɛƒɔndia.

Agba 27:27

Na bese bammɔ badubɔyu anyi ntu pii bete awɔ ku ƒula kaduli bekyuli ku kabla bablane.

Agba 13:23

Ina ɔwabane ɔ́kya edula pii ni, ama bani naaabla ala ulu lɛlɔ baakana na baƒɔ kɔsia kɔmmɔ baatɔlɔku.

Agba 20:13

Ukyuli ɔni na aayɔ́ lɛlɛɛ ni, kɔwaba ndubo-ɔ bɔda. Nu nwaa na abla lɛla lɛdi na adubɔkɛ adila pii na adi emo.