Agba 11:11 - Katɔti Ɔku Kedee

¹¹ Bekyuli bani nse siin beete ɔma kusɛ kusɛ na ɔɔlɛ́ lili. Nsu balalane etemila eele bekyuli ntɛ na balakana bɔsala.

Agba 11:11 Referans Kwoze

Agba 14:34

Kadi bani mɔɔyia Unwoti ni, baalɛ́ lili ku ɔyikun. Nsu likpidi lɛdi kɔƒa ala ute kadi biala.

Agba 29:8

Bekyuli bani muudumi bekyuli taama baakya ɔma lɛsɛ. Nsu banundane ama ni, baayila kɔnyi ala ƒui.

Yakobo 3:6

Lɛni kani na unyemi use aani ogya kalɛ. Use aani kayawi kani na alaekpidi áƒɔ-ka ƒui. Na ɔkya-bu ɔlɔna kemmo uubile ɔlɔna umodi ɔmmɔ ƒui ku nwuna enyekpi. Ɔɔyila-bu udu na ngba bɔmɛni kemmo. Na nwuna enyekpi ási ukisine ɔmmɔ ɔyikun kemmo na ɔdubuti ɔkyula kayawi kamɛni ku kana ala ƒui.

Etemila 9:15

Na ɔma ɔmmɔ kemmo ni, ɔwabane ɔdi ɔ́kya na ɔ́da anu geen. Na anwu náƒɔ ɔma ɔmmɔ úse na nwuna lɛnunda ɔsu. Nsu útaƒɔ uwi asa na báyiƒala ɔnana ɔmɛni.

Hiob 22:30

Katɔti uudie alaekpidi bablane na bakɛ bɔƒɔ si ɔ́nu ka báda ekpidi ammɔ bɔbla báya na baabla ala siin.”

Samuel 2 20:1

Na uwi ɔmmɔ kemmo ni, lɛsɛ ɔkyane ɔdi baalɔ Seeba na ɔdi Bikri ubidi na Benyamin kɔdua kemmo ɔ́kya mmɔ. Na ɔ́vwi kakpɛɛ momoomo ɔnini, “O Israelƒuɔ, buuubo kadikɔ kadi na Dawid lɛgadi kemmo. Na bɔɔɔkɛnku Yisai ɔni ndi ɔti lɛla lɛdi kemmo lɛnɔ. Anwuɔsu bina ƒui ɔdi biala unwini na biteesie bina adi nvo kemmo.”

Ala Kalɔ Buse 45:8

“Anwuɔsu ɔɔɔdi amii néti-mi bímene kesii kamɛni. Mmomu Unwoti Katɔti nátala-mi mɛni. Anwu nábla-mi kadi ƒui ogyangba ute Ƒarao. Anwuɔsu Ƒarao kaduli bekyuli ƒui baalɔ-mi banii Ati. Na ndi Egyipte kalɔ ƒui lɛlɔ ɔdine.

Agba 11:10

Si ala aatɛ teete ukyuli ɔbuni ni, ɔma ɔmmɔ bekyuli baakɛ́ lɛlɔyɔ. Lɛni kani si ukyuli ukpidi úkpi ni, kaƒɔ kaayɔ́-ma.

Agba 11:12

Si eedie ukyuli kalɔ ni, kɔdɔlɔ kɔdi. Na ukyuli ɔni na ɔ́da anu ni, uubile nwuna kenye kpoo.

Agba 28:2

Si ala bɔbla kalɛ kalɛ bɔ́ƒɔ kalɔ kadi aban lɛgadi kemmo ni, baavumana lɛlɔ badine uwi ndi uwi. Nsu batɔnkune bani náda anu na bebo lɛlati ni, baayá na lɛla biala lɛɛbla siin.