Agba 11:10 - Katɔti Ɔku Kedee

¹⁰ Si ala aatɛ teete ukyuli ɔbuni ni, ɔma ɔmmɔ bekyuli baakɛ́ lɛlɔyɔ. Lɛni kani si ukyuli ukpidi úkpi ni, kaƒɔ kaayɔ́-ma.

Agba 11:10 Referans Kwoze

Agba 28:12

Si ala aadianku bekyuli babuni ni, lɛlɔ lɛɛyɔ́ ukyuli biala. Nsu si bekyuli bekpidi benye ala kenye ni, ukyuli biala ɔɔbɛ́.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.

Agba 28:28

Si belikplune baadi bekyuli lɛlɔ ni, bɔbɛ na bekyuli baabɛ́. Nsu si belikplune básiaku ɔgbankpi ni, bekyuli bani nse siin beemomo.

Hiob 27:23

Na ɔƒɛƒɛɛ ɔmmɔ kudu ku kɔku kɔdubɔtina kalɛ na ɔ́gya enukpɛ ɔ́bɔku-ma.”

Israelƒuɔ Bɔlɛ 15:21

Na kɔgya kɔni na Miriam údie ndi, “Bidie kɔgya bite Unwoti, ɔsika úkpo ɔ́di lɛlɔ geen. Bapɔnkɔ ku bana lɛlɔ beliene ƒui úbo-ma útákya ɛpu kemmo.”

Baga 2 11:20

Na ebiti áƒɔ bekyuli bammɔ ƒui lɛlɔ kemmo, nsu ɔma ɔmmɔ use diin, ɔsika bádu Atalia na ɔga kaduli mmɔ ɔsu.

Agba 11:11

Bekyuli bani nse siin beete ɔma kusɛ kusɛ na ɔɔlɛ́ lili. Nsu balalane etemila eele bekyuli ntɛ na balakana bɔsala.

Agba 29:2

Si ala aatɛku bekyuli babuni ni, bekyuli baakɛ́ lɛlɔyɔ. Nsu si bekyuli bekpidi mɔɔdi bekyuli lɛlɔ ni, bekyuli beedumo.

Ala Alɛdi 2 23:13

Na mmɔ na útánu ka Yoas unye lɛkpa lɛdi na lide kayakun kammɔ kudɔ kesii kani na kadi baga kenyekɔ mmɔ. Na bagyumanane batɔnkune ku kɔkpɛɛ bavwine benye-nwu kudɔ. Na bagyane ku lɛnu bediene batɔnku bekyuli bammɔ na baakɛ́ lɛlɔyɔ teedie lɛnu ku ebiti. Mmɔ na Atalia ɔ́ni nwuna lɛwu ɔ́bwɛ na kɔnyi kemmo na ɔ́va ɔ́su ɔnini, “Amii mina bekisine bɛ́lɛ-mi kama na bɛ́kya-mi kakya!”

Ala Alɛdi 2 23:21

Na ukyuli ɔ́tɔ ku ebiti, ɔsika bádu beleku Ɔga Atalia na keyii buɛɛ kásɔ kébo Yerusalem ɔƒaamu.

Yeremia 51:48

Uwi ɔni na bekpone badubɔta basi katɔ kakɛ bebebile ala ni, katɔ ku kalɔ ku ana ala ani nkya-nya kemmo ƒui badubɔkɛ lɛlɔyɔ.