Agba 1:5 - Katɔti Ɔku Kedee

⁵ Na bani na báda anu ni, bana lɛnunda lɛɛkɔ́ katɔ teebu. Na bani mɔɔnu ala kemmo taati lɛnɔ bati bana kasiakɔ.

Agba 1:5 Referans Kwoze

Agba 12:1

Si aayɔ́ atɛya ala ni, ɔlɛka atuna na batumini-ɔ. Kɔdɔlɔ kɔdi-ɔ si alayɔ anii bedie-ɔ bɔƒiɔ.

Agba 9:9

Tina banundane ala na badubɔda anu bebu. Na atina ama bani nlie siin ala na badubɔti ala bebu.

Korintoƒuɔ 1 10:15

Mɔɔtɛmiku-mii aani bekyuli bani náda anu. Anwuɔsu bɛbu ala ani na mɔɔsu-mii mɛni kemmo bɛnu.

Hiob 34:16

“Anwuɔsu bɛda anu na bise atu na binu!

Hiob 34:10

“Ɔmmɔ ɔsu, amii banwa bani mbo kasusu na biinú ala kalɔ ni, bise atu. Katɔti ulábla lɛla lɛdi na lɛdi likpidi!

Hiob 34:34

“Hiob, ukyuli ɔni mbo kasusu na uunú ala kalɔ ku banundane bani muunú-mi etemila amɛni ni, badubɔsu banini,

Ala Alɛdi 2 25:16

Nsu kenye udiene ɔmmɔ útawɔlɔ tɔ lɛla lɛni na uuye asa na Ɔga Amasia ɔ́tu-nwu kenye ɔnini, “Aaadi mina kasusu bakyane akɔ ɔdi! Anwuɔsu si aaagyi na ásɔ ébimi kenye ásu lɛla lɛdi ɔƒɛni ni, ndubɔya na badu-ɔ.” Mmɔ kani na kenye udiene ɔmmɔ ɔ́da butemi ɔ́ya. Nsu ɔ́su ɔ́sia ɔnini, “Katɔti úse ka ɔyila-a udu geen! Ɔsika kudeedi ni, ábla likpidi na ásɔ éni mina bɔlɛ.”

Agba 14:6

Ukyuli ɔni na uuti lɛla biala taakya bɔƒia ni, si ina ɔɔwia lɛnunda muedi ulákɛ-ni. Nsu bekyuli bani muunú ala kalɔ ni, baatí lɛla.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Lɛkpa Ulu 4:6

Na nsɔ mɔɔsu-mii nnii bɛdi-mu lɛlɔ kaduɛ, na ɔmɛni ndubɔya na kadi bamba bekyuli bani nkya mmɔ badubɔnu bɔti kalɛ na bɛ́da anu. Na si bánu kalɛ na bɛɛdi ɔda bubo bɔmɛni lɛlɔ ni, bekyuli bammɔ badubɔsu banii, “Kadi bekyuli lisu bonwu bamɛni báda anu na beenú ala kalɔ geen.”

Hiob 34:2

“Bise atu na binu-mi litemi, amii banundane ku bakutine benengudi.

Agba 8:33

Binu mina ala bɔtina na bɛda anu na biteni-mu.

Agba 9:8

Anwuɔsu tekpoku lɛlɔ ka adɔnku ukyuli ɔmmɔ udu. Si ɔɔɔdi lɛni ni, badubo-ɔ bukisi. Nsu si ádɔnku banundane ama ni, badubo-ɔ bɔyɔ bubu.

Agba 18:15

Banundane baawia kpakplaa ka baƒɔ bekyuli bamba kasusu. Na sɔsɔ na ɔdi ka baawia ka bekyuli bete-ma kasusu.

Agba 19:25

Ukyuli ɔni muudumi bekyuli taakya-ma lɛlɔ lɛma, si áni-nwu kɔtu ni, bekyuli bani na bana kasusu kásɔ badubɔtɛya lɛla lɛdi. Na si ádɔnku ɔnundane ni, ɔdubo anu bɔda bubu.

Agba 21:11

Si uwi ɔni na baaní bekyuli bani muuti lɛla biala taabla lɛmala kɔtu ni, uwi ɔmmɔ na bekyuli bani na bana kasusu kásɔ baatɛya lɛla. Nsu banundane ni, si bálɛ-ma lɛla lɛdi lɛlɔ ni, baatí lɛlɔ bɔda.