Agba 1:33 - Katɔti Ɔku Kedee

³³ Nsu bani ƒui muunú-mi litemi ni, badubulie ngba na atu bɔyɔ kemmo, na lɛla lɛdi lilékpoku-ma na balayia ka ukpidi ɔdi walɛku-ma lɛnɔ.”

Agba 1:33 Referans Kwoze

Yesaia 26:3

Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.

Luka 21:9

Bitayia si biinú kekpo kɔku ku bekyuli lɛlɔ bɔta bunye. Ala amɛni udu adubɔka bɔlɛ, nsu ɔɔɔdi nwuna kalɔ ndi ɔnii kawɔlɔkɔ kéede.”

Agba 14:26

Lɛla lɛdi lilekpoku bekyuli bani mɔɔyia Unwoti. Ɔsika Unwoti ɔdi katamikukɔ ute bana bebi.

Agba 9:11

Lɛnunda lɛdubɔya na ƒula emeyi emomo ebu. Na akwa asia-a akwa lɛlɔ.

Luka 21:19

Binye kpakplaa, na bɛdubɔkɛ ngba bɔni nsɔ naaadubo bɔsa kudii.

Kɔgya 81:13

“Na si bunu na amii Israel bekyuli bínu-mi litemi na bɛbla bɛsiaku-ni lɛlɔ ni, nka ɔdia.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 48:18

Si bunu na nka bínu-mi litemi ni, nka bíilie kalɔ kpi ku atu bɔyɔ aani kalɛ na ketu kaatɛ taagba buɛɛ na bɛbla siin aani kalɛ na ɛpu ntu bɔɔta ku bukeye.

Agba 12:21

Ɔgbankpi kpakplaa ɔdi ulébo bekyuli babuni lɛlɔ. Nsu balalane ni, ɔgbankpi ulalɛ-ma ɔtɔ kemmo.

Etemila 8:12

Bɔɔnu kalɛ na bekyuli bekpidi bani muulie taabla ekpidi liti liti taasia kama beelie ngba na uwi uutu ina ka nka básu banii bekyuli bani mɔɔsiaku Katɔti kama siin na baabu-nwu na ala adubo bɔtɛku.

Lewiƒuɔ Ɔda Bubo 25:18

“ ‘Bɛsia mina ɔda bubo anu na bɛnu ka bɛ́di-mu lɛlɔ kaduɛ na keyi kadubɔyɔku-mii na kalɔ kani lɛlɔ bísela bítélie mmɔ lɛlɔ.

Lewiƒuɔ Ɔda Bubo 25:19

Mmɔ na kalɔ kammɔ kadubɔdia-mii edula na bɛdi bimo na bilie mmɔ ƒaa ku atu bɔyɔ.

Hiob 36:11

Na si bádi Katɔti litemi lɛlɔ na baabla-nwu kabla na bana uwi ɔkladi kemmo ni, keyi kaayɔ́ku-ma, na ala aatɛ-ma na beelie ƒaa.

Yesaia 32:17

Na ka ukyuli biala ɔdubɔbla ala ulu lɛlɔ siin ɔsu ni, keyi buɛɛ ku atu bɔyɔ bɔdubɔkya na ukyuli biala ɔƒɔ ɔkpana ɔdi.