Agba 1:22 - Katɔti Ɔku Kedee

²² Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 1:22 Referans Kwoze

Agba 5:12

Mmɔ na awɔ ɔlati adubɔsu lɛlɔ anini, “Ńtenu bɔlɛ! Na líni na mina kayi kemmo ka lɛƒɔ bɔklibi bɔni na baaklibi-mi.

Agba 1:29

Ɔsika bíkisi lɛlati na bítaƒuna ka bitaayia Unwoti ku ɔbu.

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Yohane 3:20

Ukyuli biala ɔni mɔɔbla likyulikpi ala ni, ukisi bukeye na ulakpɛ teede-mu. Ɔsika ɔɔyia ka nwuna ablala adubɔlɛ keyi na Katɔti ɔdubɔni-nwu kɔtu.

Luka 19:42

Na ɔ́su ɔnini, “Mɔɔyɔ́ geen ka nka bɛnu bɛti ɔmwi limeyi lɛmɛni lɛlɔ lɛla lɛni námanku-mii asa bɛkɛ keyi buɛɛ! Nsu ku ɔƒɛni ni, bilánu taati!

Mateo 9:13

Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Agba 21:11

Si uwi ɔni na baaní bekyuli bani muuti lɛla biala taabla lɛmala kɔtu ni, uwi ɔmmɔ na bekyuli bani na bana kasusu kásɔ baatɛya lɛla. Nsu banundane ni, si bálɛ-ma lɛla lɛdi lɛlɔ ni, baatí lɛlɔ bɔda.

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Agba 19:29

Bekyuli bani muudumi bekyuli taama ni, Unwoti ɔdubo-ma kɔtu bɔni. Na badɔlɔdi kama kadubo kugyiimi butaaƒɔ.

Agba 15:12

Bekyuli bani muuti lɛla biala taabla lɛmala ni, balayɔ bekyuli bani mɔɔdɔnku-ma. Anwuɔsu na balani teede banundane.

Agba 14:6

Ukyuli ɔni na uuti lɛla biala taakya bɔƒia ni, si ina ɔɔwia lɛnunda muedi ulákɛ-ni. Nsu bekyuli bani muunú ala kalɔ ni, baatí lɛla.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Agba 7:7

Na lɛ́nu bani na bana kasusu kásɔ mmɔ. Badi bakloƒu bani nási baakɔ́ mɛni akɔ unwi. Na ɔɔɔgyi lɛbuni ku likpidi kavumana.

Agba 6:9

Na amii bakɔsɔne ni, uwi ɛlɛ sɔɔn na bɛdubɔtɛ butaalɛɛ butédu? Na uwi ɔmani na bɛdubɔta bina kalɛɛkɔ?

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 1:4

Agba amɛni ndubɔya na bani na bana kasusu kásɔ bati lɛla. Na begblebi ku bakloƒu bati lɛla na babla kasusu na bana keliela lɛlɔ.

Kɔgya 94:8

Amii badɔlɔdi, uwi ɔmani geen na bɛdubo anu bɔda?

Hiob 34:7

Nsu geen ni, ami ńtanu tɔ ukyuli ɔni nse aani Hiob, ɔsika uláƒalɛ Katɔti munu munu, na etemila aalɛ́-nwu kenye aani kalɛ na baaní ntu.

Bumomo Bɔka 14:27

“Uwi ɛlɛ geen na bekyuli bekpidi bamɛni badubunye bataadɔ bana lɛlɔ kemmo kalɔ kalɔ na mina lɛlɔ betédu? Línu ala ani na benye baaká taadɔnku-mi.

Israelƒuɔ Bɔlɛ 16:28

Amu na Unwoti úye Mose ɔnini, “Uwi ɛlɛ sɔɔn na amii Hebriƒuɔ bɛdubuni mina ɔda bubo lɛlɔ bɔdi bitédu?

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Agba 1:21

Na ɔɔkpali bani ƒui nkɛ ulu unengudi ɔni lɛlɔ baaní lɛsɛ, na uubó kudu taasiku awodu eli. Na ɔɔsu nwuna kenye na ɔma unengudi ɔmmɔ awoduku kɔyakun kenye.

Agba 1:32

Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.

Agba 21:24

Bekyuli bani mɔɔkun lɛmɛnɛ na baatalaku lɛlɔ katɔ na baanu ka ama kani ntulo ni, baata teenye bekyuli lɛlɔ uwi biala.

Agba 22:3

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”