Tesalonikaƒuɔ 2 3:16 - Katɔti Ɔku Kedee

¹⁶ Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Tesalonikaƒuɔ 2 3:16 Referans Kwoze

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Litemi Batɛne 6:24

Amu na Gideon ɔ́tu lɛkpabi úte Unwoti na ɔ́sia-nwu lɛnyi ɔnii, “Unwoti Ɔdi Keyi Buɛɛ Unwoti.” Na lɛkpabi lɛmmɔ lɛmu lɛ́lɛ Oƒra Abi-Eser kalɔ kemmo.

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Bumomo Bɔka 6:26

Unwoti unwini nwuna anumi ɔtina-mii na ute-mii keyi buɛɛ.’ ”

Ƒilemon 1:25

Blɔti Yesu Kristo lɛƒɔndia lɛsiaku-ɔ na ƒula kayi kemmo.

Yesaia 8:10

Bisie kelisa na bɛkya bina kekpo kɔkwɛ ƒui, na bɛtaa kasiakɔ biala bite lɛlɔ, nsu ɔmmɔ ƒui ɔdubɔbla keeke, ɔsika Unwoti Katɔti ulieku-bu.

Samuel 1 17:37

Unwoti ɔni nédie-mi ɔ́siku gyata ku kegidi aƒiɔ akɔ ndubudie-mi bɔsiku Ƒilistini ɔmɛni enu kemmo.” Amu na Saul ɔnini, “Ɔdia, amu teesie na etékpoku-nwu. Bula ƒui bubo lɛnunsia ka Katɔti ɔdubo-ɔ bubunku na akana-nwu lɛlɔ bɔdi.”

Rut Keliela Ɔku 2:4

Na uwi útetu asa na Boas ɔlati ɔ́si Betlehem na ɔ́da ɔ́lɛ kemo mmɔ. Na ɔ́kya kabla bablane bammɔ kenye ɔnini, “Blɔti ulieku-mii.” Na kabla bablane bammɔ lɛnɔ bédie kenye banini, “Blɔti ute-ɔ kusɛ kusɛ.”

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Hebriƒuɔ 7:2

Na Abraham úti nwuna ala ƒui lɛkpa leevudi úte-nwu. Kudeedi ni, Melkisedek lɛnyi kalɔ ndi Siin Bɔbla Ɔga. Na ɔmmɔ kama ni, Salem Ɔga kalɔ budie ndi Keyi Buɛɛ Ɔga.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Korintoƒuɔ 1 14:33

Ɔsika Katɔti ɔɔwia ka bɔbla ala ulu lɛlɔ. Na ɔɔyɔ́ ka amanku keyi buɛɛ. Na lɛni na ɔlɛka use na Katɔti baƒɔtaadine akpa ƒui akɔ.

Yesaia 66:12

Unwoti úse kenye úse ɔnini, “Ndubɔya na keyi buɛɛ kaƒɔ Yerusalem ɔma unengudi ɔmmɔ ƒui na akɛla pii asi kadi kadi bekyuli kɔlɔ lɛlɔ ebo na abábu na Yerusalem aani ketu kani mɔɔgbá na kalákwii. Na ɔdubɔbla aani ubi ɔni na uni ɔɔgyú taada nwuna enu kemmo na ɔɔƒianku-nwu ku ebiti.

Yesaia 54:10

Abi ku abinkpo ƒui adubɔkana na ayii nsu ami ndubo-mii kɔnya butaanu uwi ƒui na lɛbla-mii lɛƒɔndia. Na kenye kani na líse ka ndubɔya na keyi buɛɛ kebo bina kalɔ lɛlɔ ni, neeebile linyese lɛmmɔ kudii.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Yesaia 26:12

O Unwoti ya na bulie na atu bɔyɔ kemmo, ɔsika ɔkɛnku ƒula ɔyikun kemmo na bɔ́kana na bɔ́bla ala ani na bɔ́bla.

Kɔgya 72:7

Ya na ala bɔbla siin bɔƒɔ kalɔ kammɔ ƒui lɛlɔ na nwuna lɛga bɔdi butu uwi. Na atu bɔyɔ ku keyi buɛɛ kaƒɔ-bu akɔ wetédu ka kɔbuli kɔ́da bɔtu teewi-bu lɛlɔ kɔ́ya.

Kɔgya 72:3

Ya na kalɔ kammɔ ƒui ku abi ammɔ adia edula ete ƒula kadi bekyuli na ɔtina kalɛ na ƒula ɔga ku bekyuli bammɔ baabla ala siin.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Tesalonikaƒuɔ 2 3:18

Buuvele bɔnii Blɔti Yesu Kristo ɔda bina ƒui na nwuna lɛƒɔndia kemmo.

Hagai 2:9

na muusé-mii kenye ka kakpakɔ kamɛni kadubo bukeye butulo kedeedi. Na ndubo ɔma ɔmmɔ lɛnɔ kusɛ kusɛ bute na keyi buɛɛ kaƒɔ-nwu kemmo.”

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Samuel 1 20:13

Nsu si mina ɔti ɔda kasusu kekpidi ka ɔbla-a lɛla lɛdi na ami Yonatan ńtete-ɔ bɔti na ekeli aƒɔ ƒula lili ngba ni, na Unwoti ɔni-mi kɔtu kpakplaa biala námanku-mi. Muuvele Unwoti nnii ulieku-ɔ kalɛ kani na úlieku mina ɔti úbavi.

Eƒesoƒuɔ 6:23

Banwa, Unwoti Katɔti ku Blɔti Yesu Kristo ute-mii keyi buɛɛ ku bɔyɔ ku bɔƒɔtaadi.

Tesalonikaƒuɔ 1 3:11

Na ɔƒɛni ni, Unwoti Katɔti ɔlati ku Blɔti Yesu balɛmi ulu bete-bu na bubo-mii kudɔ.