Tesalonikaƒuɔ 2 2:10 - Katɔti Ɔku Kedee

¹⁰ Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Tesalonikaƒuɔ 2 2:10 Referans Kwoze

Korintoƒuɔ 1 1:18

Bekyuli bani na bana ɔbladu ɔ́ya na badaku bukpi na kɔyu kemmo ni, Kristo kukpi na ugyii lɛlɔ kɔtɛ kɔdi adɔlɔla kute-ma. Nsu abu bani na Katɔti ɔɔyá na bɔɔkɛ́ bɔƒɔ ni, bɔgyi ka Katɔti litemi lɛmmɔ lɛdi Katɔti ɔyikun ɔni na úte-bu.

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Petro 2 2:12

Nsu bekyuli bamɛni udu ni, baabla ala aani kalɛ na bebuo bani nnye nte ka beƒie-ma badu bese. Lɛlɔ kemmo kani na beenú ala kɔku taati. Bekyuli bamɛni baata teenye taatɛmi enyekpi na lɛla biala lɛni na bétenu kalɔ lɛlɔ. Na Katɔti ɔdubɔyila-ma udu aani kalɛ baadú beƒiebuo teevaakun.

Korintoƒuɔ 1 16:22

Ukyuli biala na ulayɔ Blɔti ni, ɔdubɔnuku-ni! O Blɔti, bo!

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Korintoƒuɔ 2 11:15

Anwuɔsu ɔmɛni ɔɔɔdi lɛla lɛwɔdi uuute nwuna kama basiakune ka bavumana lɛlɔ babla aani Katɔti kabla bablane bani nse siin. Nsu kawɔlɔkɔ ni, Katɔti ɔdubo-ma kɔtu bɔni kalɛ na ɔ́manku.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Timoteo 1 2:4

Ɔsika ɔɔwia ka ukyuli biala ɔnu nwuna litemi geen lɛmmɔ ɔti kalɛ na ɔƒɔ-nwu ngba.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 2:15

Buse bute Katɔti aani ɔnyi ƒɛƒɛɛ ɔni nási Kristo lɛlɔ. Na ɔkɛ ɔɔví bekyuli bani nkɛ ulu buni lɛlɔ bésela ngba bɔƒɔ ƒui kemmo ku ama bani nkɛ ulu ukpidi lɛlɔ bésela bɔyii ƒui kemmo lɛnɔ.

Romaƒuɔ 10:1

Mina banwa, ɔdi mina bɔyɔ bɔni nási-mi kayi kemmo ku mina katɔ bɔkpali kemmo ka Yudaƒuɔ bakɛ bɔƒɔ.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Yohane 5:34

Nsu útalɛka ukyuli ɔyawine udie-mi kenye. Mmomu mɔɔsu-mii ɔmɛni kalɛ na bɛƒɔ-mi bɛdi na bɛkɛ ngba bɔƒɔ.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Korintoƒuɔ 2 11:13

Bekyuli bammɔ baaadi batalane geen. Ɔkɔ batalane na badi, na baanyi ɔkɔ na bana kabla kemmo. Bávumana bana lɛlɔ kalɛ na bekyuli banu-ma aani si Kristo batalane na badi sɔsɔ.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Tesalonikaƒuɔ 2 2:12

Kawɔlɔkɔ ƒui ni, Katɔti ɔdubɔdu-ma kɔtɔ, ɔsika bátaƒɔ litemi buni bátadi. Mmomu bátaakɛ ebiti na ekpidi bɔbla kemmo.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.