Korintoƒuɔ 2 13:4 - Katɔti Ɔku Kedee

⁴ Ina ka bákana Yesu bámana ugyii lɛlɔ na úkpi uwi ɔni kemmo na use kpɛtɛ kpɛtɛ ni, Katɔti ɔyikun kemmo na ɔ́sɔ ɔ́ta uli ngba. Na ka abu-ku Yesu bɔ́bla unwi ɔsu ni, buse kpɛtɛ kpɛtɛ aani kalɛ na anwu lɛnɔ use kpɛtɛ kpɛtɛ. Nsu bubo Katɔti ɔyikun ka bɔbla lɛla lɛni na ɔlɛka bɔbla na bina akɔ, ɔsika abu ku-nwu bulie na nwuna ɔyikun kemmo.

Korintoƒuɔ 2 13:4 Referans Kwoze

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Romaƒuɔ 6:4

Na ɔkɛnku ntu bɔkpila bɔmmɔ ɔsu ni, ɔɔtina ka abu lɛnɔ búkpi na báva abu ku-nwu. Na Katɔti ɔkɛnku nwuna bukeye ku ɔyikun lɛlɔ ɔ́gyila Kristo ɔ́lɛku bekpine akɔ kalɛ na abu lɛnɔ bɔta bubelieku-nwu ngba bɔwɔdi bɔmmɔ.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Korintoƒuɔ 1 15:43

Si uwi ɔni na báva-nwu ni, údubie na use kpɛtɛ kpɛtɛ. Na si uwi ɔni na bágyila-nwu básiku kekpine ni, ɔdubɔdia bɔnu na ɔyu ɔkplu.

Korintoƒuɔ 1 2:3

Na ka líbo-mii kudɔ ni, lɛlɔ lɛ́bla-mi kpɛtɛ kpɛtɛ. Na liƒu lɛ́da-mi. Na lɛlɔ lɛnɔ lɛ́tɔ-mi.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Romaƒuɔ 14:9

Ɔsika ɔmɛni ɔsu geen na Kristo úkpi na ɔ́sɔ ɔ́ta úbo uli ngba kalɛ na unwini Blɔti ute bekpine ku bayawine ƒui.

Yohane 10:18

Ɔɔɔdi ukyuli ɔdi ndubo-mi bɔkana bɔdu. Mmomu ami ɔlati nénu kalɔ ka likpi. Mbo ɔyikun na lɛkana likpi lɛni. Na mbo ɔyikun lɛnɔ na lɛkana na lɛsɔ linwini libo mbelie ngba. Ɔmɛni ndi lɛla lɛni na Ati úbo-mi ɔda ka mbabla.”

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Batalane Kabla 3:16

Ɔkɛnku Yesu lɛnyi kemmo ɔsu na ɔnana ɔni na bɛgyi na bɛɛnu mɛni ɔ́kɛ lɛlɔkplu. Na ka ɔ́ƒɔ Yesu ɔ́di ɔsu ni, Blɔti ɔ́bwi-nwu na bina anumi.”

Korintoƒuɔ 1 1:25

Ɔsika lɛla lɛni na bekyuli baanu banii ɔdi Katɔti kɔdɔlɔ ni, lɛdi lɛnunda litulo bekyuli lɛdi. Na Katɔti bɔbla kpɛtɛ kpɛtɛ ni, bubo ɔyikun butulo bekyuli lɛlɔ ɔkplu.

Korintoƒuɔ 1 6:14

Katɔti ɔ́gyila Blɔti ɔ́lɛku bekpine akɔ, na ɔdubɔgyila abu lɛnɔ ku nwuna ɔyikun.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.