Korintoƒuɔ 2 1:8 - Katɔti Ɔku Kedee

⁸ Banwa, bɔɔwia ka bɔsu-mii abi ani udu na búbo na Asia kalɛkɛ lɛlɔ. Lɛbibo lɛmmɔ línwini etila líte-bu ɔni na bɔsɔ buuubo lɛnunsia lɛdi bɔnii bɔdubɔkɛ ngba muedi.

Korintoƒuɔ 2 1:8 Referans Kwoze

Korintoƒuɔ 1 15:32

Nsu si kayawi kamɛni kasusu kani ɔsu na líkpoku bekyuli bani nse aani beƒiebuo na Eƒeso ni, bi kɔsia na lɛ́kɛ? Na si bekyuli basɔ balata balálɛ kekpine na bebelie ngba bɔdi ni, na bɛgyi bɛnii ɔlɛka bɔbla aani kalɛ na lɛsugba lɛdi lɛɛsu lɛnii, “Bɛya bɔdi na bɔni, ɔsika kɔnaadi bɔdubo bukpi.”

Korintoƒuɔ 1 4:8

Bɔsa na ala ani ƒui na bɛɛwia áasa-mii? Munuu balakɛne na biinwíni? Bɛ́ɛta bínwini baga ina ka bɔɔɔdi baga? Awo! Mɔɔyɔ́ si nka banii baga na bíinwini. Na abu lɛnɔ bunwini baga aani bina kalɛ!

Korintoƒuɔ 1 16:9

Kuƒi kɔbuni kɔkya mɛni geen ute kabla kenengudi kani náƒɔ kuye geen, ina ka bekyuli bani mɔɔta teenye-mi lɛlɔ na kabla kani mɔɔbla na mɛni bemomo.

Samuel 1 27:1

Ɔmmɔ kama ni, Dawid ɔ́bla kasusu laa na ɔ́su ɔnini, “Ngyi ka emeyi amɛni kemmo kani ni, Saul ɔdubɔwia-mi kama ulu na ɔdu-mi. Anwuɔsu lɛla lɛbuni lɛni na ɔlɛka lɛbla ndi ka likeli lisie Ƒilistiƒuɔ kalɔ lɛlɔ. Na Saul ɔdubunwini kasusu na ɔda-mi bɔwia taavi ɔya na Israel kalɔ ƒui lɛlɔ, na lɛlɛ-nwu enu kemmo.”

Samuel 1 20:3

Nsu Dawid ɔ́su ɔnini, “Litemi lɛmmɔ lɛkya-nwu kemmo sɔsɔ. Ƒ'ɔti ɔgyi nwaa ka ami ku-ɔ bɔdi bakpana kpakplaa. Anwuɔsu ulasu-ɔ ka ɔɔwia-mi ɔdu, ɔsika ɔmmɔ ɔdubo-ɔ bukpoku geen. Mɔɔsu-ɔ na Katɔti ɔni nli ngba lɛnyi kemmo ka mina ngba bɔkya ɔgbankpi kemmo, ɔsika ƒ'ɔti ɔɔwia ka ɔdu-mi.”

Batalane Kabla 2:9

Abu bɔdi Partiƒuɔ ku Mediaƒuɔ ku Elamƒuɔ ku bani nási Mesopotamia ku Yudea ku Kapadokia ku Ponto ku Asia ku Ƒrigia ku Pamƒilia ku Egyipte ku Libia ɔvi ɔni nkya Kirene ku baƒɔ bani nási Roma na badi Yudaƒuɔ ku bekyuli bani néduo Yudaƒuɔ lɛkpa kemmo

Batalane Kabla 16:6

Na nwuna kama ni, bávi bésie Ƒrigia ku Galatia, ɔsika Katɔti Kɔyu kútete-ma kuƒi ka basu litemi buni na Asia kalɔ lɛlɔ.

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Korintoƒuɔ 2 1:9

Ɔ́bla-bu aani si kukpi kɔtɔ na bádu-bu! Nsu ɔmɛni úbo úte lɛni kalɛ na buti bula anu bɔsia Katɔti ɔni mɔɔgyila bekpine na baasɔ teebelie ngba lɛlɔ. Ɔɔɔdi abu alati bula lɛlɔ na buti anu bɔsia.

Korintoƒuɔ 2 6:9

Bekyuli balákpete-bu, nsu bagyi-bu kesii biala. Uwi ndi uwi bɔkya kukpi ɔgbankpi kemmo, nsu bɛnu! Bɔmu buli ngba! Báni-bu kɔtu geen, nsu bútekpi.

Batalane Kabla 19:41

Na ka ɔ́su ala amɛni ni, ɔ́bɔku-ma na bana ƒui bégyingya.