Korintoƒuɔ 2 1:4 - Katɔti Ɔku Kedee

⁴ Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Korintoƒuɔ 2 1:4 Referans Kwoze

Tesalonikaƒuɔ 1 5:11

Ɔmɛni ɔsu ni, bitaakya lɛlɔ ogya na biteebunku lɛlɔ aani kalɛ na biwi-nwu lɛlɔ ɔƒaani.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Yesaia 40:1

Katɔti ɔnini, “Sia mina bekyuli kɔnu.

Kɔgya 32:7

Awɔ ndi mina kabɛkɔ. Na adubɔgyumana-mi na ɔgbankpi uwi. Na ndubudie lɛnu lɛtina kalɛ na éti áƒɔ-mi.

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Yohane 14:18

Si lɛ́tɔlɔ-mii kudɔ ni, naaada-mii neeese aani bekpinebi. Mmomu ndubɔsɔ linwini libo-mii kudɔ.

Yohane 14:16

Na ndubuvele mina Ɔti na ute-mii Ubunkune ɔbambadi ɔni ndubulie-mii kudɔ uwi ƒui.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.

Yesaia 52:9

Yerusalem, awɔ ɔni na bábwɛ béwi kalɔ, ta na awɔ lɛnɔ atu kɔgya ku ebiti, ɔsika Unwoti ɔ́yala nwuna bekyuli kaƒɔ na úbo ɔnii ubedie Yerusalem.

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Korintoƒuɔ 2 7:13

Ɔmɛni ƒui ɔsu kaƒɔ kaayɔ́-bu. Na lɛla lɛni náya na ebiti ásɔ aada-bu geen teetulo ndi lɛla lɛni náyɔ Tito kaƒɔ. Ɔsika bɛ́ya na nwuna kasusu kábla-nwu buɛɛ.

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Kɔgya 86:17

Bla lɛla lɛdi te-mi na bekyuli banu. Na si mina bekisine bánu na kɔƒa kukpo-ma. Ɔsika badubɔnu ka ébunku-mi na áyala-mi kaƒɔ.

Kɔgya 66:16

Bibo na bibenu, amii bani mɔɔyia Katɔti, na ndubɔsu-mii ala ani na ɔ́bla úte-mi.

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.