25 Banwa, bitaakpali katɔ na bula lili.
Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.
Lɛnɔ ni, klibi keduokɔ kadi se-mi. Ɔsika mɔɔƒɔ́ taadi ka Katɔti ɔdubunu ƒula katɔ bɔkpali na banyonu-mi na lɛsɔ libo-ɔ kudɔ.
Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.
Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.
Banwa, muuvele-mii kpakplaa na Blɔti Yesu Kristo lɛnyi kemmo ku Katɔti Kɔyu bɔyɔ kemmo nnii bibunku-mi na bukpo kekpo kani kenye na nnye na bina Katɔti bɔkpali teete-mi kemmo.
