Tesalonikaƒuɔ 1 5:23 - Katɔti Ɔku Kedee

²³ Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Tesalonikaƒuɔ 1 5:23 Referans Kwoze

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Lewiƒuɔ Ɔda Bubo 20:8

Bɛdi mina ɔda bubo ƒui lɛlɔ na bɛbla bɛsiaku-mu lɛlɔ, ɔsika ami ndi Unwoti ɔni mɔɔbla-mii kedee.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Korintoƒuɔ 1 14:33

Ɔsika Katɔti ɔɔwia ka bɔbla ala ulu lɛlɔ. Na ɔɔyɔ́ ka amanku keyi buɛɛ. Na lɛni na ɔlɛka use na Katɔti baƒɔtaadine akpa ƒui akɔ.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Luka 1:46

Amu na Maria ɔ́su ɔnini, “Mina kayi keemwi Blɔti.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Romaƒuɔ 15:5

Muuvele Katɔti ɔni muubunku-bu na bɔɔkana lɛbibo biala kenye bunye kpakplaa na ɔɔkya-bu ogya nnii ɔya na unwi bɔbla bɔkya-mii akɔ uwi ɔni na bíti bɛsiaku Kristo Yesu mɛni.

Tesalonikaƒuɔ 2 3:16

Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Ƒilipiƒuɔ 4:9

Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Tesalonikaƒuɔ 1 4:3

Katɔti ɔɔwia ka bɛbla lɛlɔ kedee na bɛda lɛlɔ bidie lɛsɔnɔdi kemmo ƒui.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Batalane Kabla 20:32

“Na ɔƒaani ni, líti-mii mɔɔkya Blɔti lɛkɔkɔ nnii ɔnu-mii lɛlɔ. Na nwuna litemi lɛni muubunku bekyuli mɛni lɛkya bina bɔƒɔtaadi ɔkplu kalɛ na wabla-mii katɔ ala badine aani bani na ɔ́ƒuna úte nwuna lɛlɔ.

Lewiƒuɔ Ɔda Bubo 20:26

Bɛbla lɛlɔ kedee bite-mi, ɔsika ami Unwoti nse kedee na ami náƒuna-mii lɛ́lɛku kadi bamba bekyuli akɔ na líti-mii lɛ́bla mina bekyuli.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Esekiel 37:28

“ ‘Kalɔ lɛlɔ kadi biala bekyuli badubɔnu ka mina kakpakɔ kenye Israel, na ami náƒuna-ma ka babla mina kadi bekyuli.’ ”

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Tesalonikaƒuɔ 1 3:11

Na ɔƒɛni ni, Unwoti Katɔti ɔlati ku Blɔti Yesu balɛmi ulu bete-bu na bubo-mii kudɔ.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Yakobo 1:4

Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.