Tesalonikaƒuɔ 1 5:19 - Katɔti Ɔku Kedee

¹⁹ Bitetile Katɔti Kɔyu ɔyikun ulu na bina akɔ.

Tesalonikaƒuɔ 1 5:19 Referans Kwoze

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Timoteo 2 1:6

Kasusu kamɛni geen ɔsu na muunyimene-ɔ kalɛ na ada litela lɛni na Katɔti úte-ɔ kpakplaa uwi ɔni na líti mina enu lɛ́sia-a lɛlɔ na lɛ́kpali katɔ.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Kɔgya 51:11

Tabɔku-mi tatɔlɔku na ƒula anumi. Na taya na ƒula Kɔyu ɔyikun ɔlɛ-mi lɛlɔ kemmo.

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Eƒesoƒuɔ 6:16

Ɔmɛni kama ni, biti bina bɔƒɔtaadi bɛda kɔnu aani bina lɛgyumanala. Ɔsika amu ndubo-mii bɔgyumana si ukisine ɔmmɔ ɔɔtu nwuna ɔkɔ ala taalɛ-mii aani kɔtaminta kɔni mɔɔda ogya.

Korintoƒuɔ 1 14:30

Na si bani nlie kasalakɔ mmɔ ɔdi ɔ́ƒɔ linyesia lɛdi ɔ́siku Katɔti kudɔ ni, ɔdi ka ukyuli ɔni mɔɔtɛmi na adi lidu lidu kemmo mmɔ ɔda nwuna kenye bɔsu ɔya na ute ukyuli ɔmmɔ kuƒi.

Lɛnu Ƒui Ɔnu 8:7

Ɛpu muedi iye ketu kadi buyi bulakana bɔyɔ buƒie na wanyina-mu wakya ntu kalɔ na ɔɔɔdi lɛla lɛni na beye lɛnɔ si ina bi kayu na ukyuli ɔdi ɔnii waƒɔ.

Samuel 1 16:4

Samuel ɔ́bla lɛla lɛni na Unwoti ɔ́su-nwu. Na ka údu Betlehem ni, ɔma benengu bammɔ báyia geen na béye-nwu banini, “Buɛɛ na ɔdi bɔdi?”

Tesalonikaƒuɔ 1 5:20

Biteni Katɔti kenye bediene ala kalɔ budie aani lɛla keeke.