Tesalonikaƒuɔ 1 4:5 - Katɔti Ɔku Kedee

⁵ Na bitasiaku ɔlɔna emini kama aani bekyuli bani naaayia Katɔti kalɛ.

Tesalonikaƒuɔ 1 4:5 Referans Kwoze

Galatiƒuɔ 4:8

Uwi ɔni návi kemmo ni, na nka bɛɛɛgyi Katɔti. Anwuɔsu ɔyikun ɔni naaadi Katɔti ɔdi nátaadi-mii lɛlɔ.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 1:26

Ala amɛni bɔbla ɔsu na Katɔti ɔ́nyonu bekyuli, na baabla ala ani mɔɔda bana ɔlɔna ɔkwɛ ani muukpó kɔƒa. Na beleku muedi báda banana bése na baaƒuƒwɛ lɛlɔ na aƒiankpi kemmo.

Romaƒuɔ 1:24

Anwuɔsu ni, Katɔti ɔ́nyonu-ma, na baabla lɛyalɛ ala ani mɔɔyá na beesé lɛlɔ. Na baabla kɔƒa ala na bana akɔ.

Batalane Kabla 17:23

Ɔsika ɔni na nkɛ mɔɔví na lɛ́nu bina kɔkpakɔ ni, lɛ́nu lɛkpatabi lɛdi lɛlɔ ka bénweni básia-ni lɛlɔ banii, ‘Amɛni búti buute Bula Ɔti ɔni na bɔɔɔgyi.’ Na Ati ɔni na bɛɛɛgyi asa na bɛɛkpá-nwu mɛni ni, nwuna lɛlɔ litemi mɔɔyɔ́ ka lɛsu-mii ɔƒɛni.

Luka 12:30

Ɔsika bekyuli bani nátaƒɔ Katɔti bátadi ni, ama mɔɔsia ala amɛni anu uwi ndi uwi. Bina Ɔti ɔgyi ka ala amɛni ƒui adi ala ani na bɛɛwia.

Mateo 6:32

Ala amɛni lɛlɔ na ama bani naaadi baƒɔtaadine beeti kasusu pii. Bina Ɔti ɔni nkya katɔ ɔgyi ka bɛɛyaki ala amɛni ƒui.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Kɔgya 79:6

Ya na ƒula kɔnyi kunwini kusie kadi bamba bekyuli bani naagyi-ɔ ku baga bani naaakpali-ɔ lɛnyi lɛlɔ.

Yeremia 10:25

Bula bekisine béni na balátuna banii awɔ ndi Katɔti na babu-ɔ. Bábɔku bula bekyuli bálɛku bula ɔma na ɔma ɔmmɔ ɔƒɔ lɛlɔ uwi ukpludi aani alakpi. Anwuɔsu ti kɔnyi kya-ma na abɔku ama lɛnɔ atɔlɔku!