Tesalonikaƒuɔ 1 4:13 - Katɔti Ɔku Kedee

¹³ Banwa, bɔɔyɔ́ ka bɔsu-mii lɛla lɛni ndubɔlɛku bekyuli bani néekpi, kalɛ na biléteewulo kɔnyana aani bekyuli bani neeebo lɛnunsia.

Tesalonikaƒuɔ 1 4:13 Referans Kwoze

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Tesalonikaƒuɔ 1 5:10

Yesu ɔmɛni nékpi na bula lili ɔni na si bulie o-o, si bukpi o-o ni, bɔdubulieku Blɔti na nwuna bɔsɔ bubo kemmo.

Tesalonikaƒuɔ 1 4:15

Lɛla lɛni na Blɔti ɔɔtina ni, nina lɛlɔ na bunye bɔɔsu-mii ka ni, abu bani nli ngba na Blɔti bɔsɔ bubo kemmo ni, bulaka bani néekpi katɔ busie.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Petro 2 3:4

Na badubuye-mii banii, “Wɛ na ukyuli ɔni ndubo mmɔ ɔkya? Ɔsika ɔ́si uwi ɔni na bula bati békpi ni, lɛla lɛdi biala lɛmu lise aani uwi ɔni na bédie kayawi kalɛ!”

Korintoƒuɔ 1 15:6

Ɔmmɔ kama ni, údie lɛlɔ ɔ́tina nwuna basiakune bani ntulo nkyuli eti leevu na mmɔ. Na bana akɔ badi bamu belie ngba ɔmwi, ina ka badi béekpi.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Esekiel 37:11

Ɔmmɔ kama Unwoti ɔ́su ɔnini, “Esekiel, Israel kadi bekyuli bese aani bekpine. Baadɔ taasu banii bákwii bakɛ aadi bekpine ekubi na basɔ beeebo ngba lɛnunsia lɛdi bete uwi ɔni ndubo.

Korintoƒuɔ 2 1:8

Banwa, bɔɔwia ka bɔsu-mii abi ani udu na búbo na Asia kalɛkɛ lɛlɔ. Lɛbibo lɛmmɔ línwini etila líte-bu ɔni na bɔsɔ buuubo lɛnunsia lɛdi bɔnii bɔdubɔkɛ ngba muedi.

Korintoƒuɔ 1 10:1

Banwa, mɔɔwia ka binyimo lɛla lɛni nálɛku bula bati kuuku bani násiaku Mose. Ulɔyɔ ɔ́tɔnku-ma, na ɔ́gyumana-ma ƒui. Na bávi Ɛpugyie ntɛ.

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Batalane Kabla 13:36

“Litemi lɛmɛni lɛɛɛdanku Dawid, ɔsika úlie ɔ́bla Unwoti kabla na nwuna ngba bulie uwi ƒui aani kalɛ na Katɔti ɔlati ɔɔyɔ́, na úbekpi na báva-nwu na úbu lɛnɔ.

Yohane 11:24

Mmɔ ni, Marta údie kenye ɔnini, “Ngyi ka ɔdubɔta uwi ɔni na bekpine badubɔsɔ bata na limeyi likplodi lɛlɔ.”

Petro 2 3:8

Banwa bayɔne, ɔƒɛni ni, bitayiƒala lɛnɔ ka na Katɔti anumi ni, kavumana kadi keeebo limeyi linwi ku akwa apim ntɛ. Ɔsika ɔna ƒui use-nwu likeke.

Batalane Kabla 8:2

Amu na Yesu basiakune badi béti Steƒano bátáva ku keku.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Baga 1 2:10

Ɔmmɔ kama ni, Dawid úbenwini kama na báva-nwu na nwuna ɔma unengudi ɔmmɔ kemmo. Na útátɛ nwuna bati kudɔ.

Baga 1 1:21

Na mɔɔsu-ɔ ka si ɔɔɔdi lɛni ni, si awɔ bula ɔga énwini kama na átátɛ ƒula bati bene kudɔ ni, ami ku mina ubidi Salomo badubo-bu kalala bɔbla aani bekyuli bekpidi kalɛ.”

Lewiƒuɔ Ɔda Bubo 19:28

“ ‘Ukyuli ɔdi utakpɛ nwuna lɛlɔ akpanabi na ukpine ɔdi ɔsu iye uti lɛla lɛdi use lɛlɔ likpo. Ami ndi Unwoti.

Mateo 27:52

Na kɔƒiɔtɔ kúbimi, na bekyuli kedee bani nékpi báta bálɛ bekpine akɔ.

Korintoƒuɔ 1 12:1

Na ɔƒɛni ni, na ala ani ndanku Katɔti Kɔyu etela lɛlɔ ni, banwa, mɔɔyɔ́ ka bɛti litemi geen lɛni nkya-nya kemmo.

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Samuel 2 18:33

Lɛla lɛmmɔ líkpoku Ɔga Dawid na lɛlɔ lɛ́tɔ-nwu. Na ɔ́tɔlɔ úsie ɔtɔ ɔni nkya ɔma ɔban kayakun kudɔ mmɔ kemmo na úwulo geen. Uwi ɔni na ɔ́gyu úsela mmɔ ni, ɔ́su ɔnini, “O mina ubi ɔnanabi Absalom! Mina ubi, mina ubi ɔnanabi Absalom! Bi ɔsu na ɔɔɔdi ami nékpi na ƒula kenye. O Absalom, mina ubi o-o! Mina ubi!”

Ala Kalɔ Buse 37:35

Yakob bebi bananabi ku belekubi ƒui bébo bábasia-nwu kɔnu, nsu útada buwulo útaya. Na ɔ́su ɔnini, “Lɛla lɛmɛni lilása-mi buduo. Na ndubo buwulo laa ntéduo kaƒiɔtɔ kemmo na mina ubi kudɔ.” Ɔmmɔ ɔsu úwulo ubidi ɔmmɔ geen.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Tesalonikaƒuɔ 1 4:14

Bɔ́ƒɔ bɔ́di ka Yesu úkpi na ɔ́sɔ ɔ́ta uli ngba na ɔdubɔsɔ ɔsi katɔ mmɔ ubo lɛnɔ. Anwuɔsu bɔ́ƒɔ bɔ́di ka baƒɔtaadine bani ƒui nékpi ni, badubɔsɔ bata. Na Katɔti ɔdubɔsia Yesu ɔmmɔ kani lɛlɔ na ɔƒɔ-ma na bebelieku-nwu ngba.

Tesalonikaƒuɔ 1 5:6

Anwuɔsu bitaya na bɔlɛɛ na budie lɛlɔ atu aani ama bani naaagyi Blɔti. Mmomu bɛya bunye kagyumana na bɔda lɛlɔ kaduɛ.

Lewiƒuɔ Ɔda Bubo 21:2

ntu nwuna lɛlɔ ukyuli geen aani, uni iye ɔti iye ubidi ulekubi iye ɔnanabi iye ɔnwani ɔnanabi,