Tesalonikaƒuɔ 1 4:11 - Katɔti Ɔku Kedee

¹¹ Bilie ngba ku lɛlɔ kalɔ buboku, na ɔdi biala anu asia nwuna kabla lɛlɔ, na biti bina enu bɛwia bina lɛdila aani kalɛ kani na bɔ́su-mii.

Tesalonikaƒuɔ 1 4:11 Referans Kwoze

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Etemila 4:6

Lɛdilabɔ blii lɛni na ákɛ ádi ku atu bɔyɔ ni, ɔdia utulo si étésusu lɛlɔ na ému-nya ada na use aani kalɛ na baabi taasiaku ɔƒɛƒɛɛ.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Timoteo 1 2:2

Na bitaakpali katɔ teete baga ku bekyuli bani ƒui mɔɔdi bekyuli lɛlɔ kalɛ na bula ƒui bɔkɛ atu bɔyɔ ku keyi buɛɛ. Na buboku lɛlɔ kalɔ bute Katɔti na buti ɔbu bute ukyuli biala.

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Agba 17:1

Si ákɛ lɛla lɛni uwi utu-ni lɛlɔ ádi ku kayi ƒaa ni, ɔdia utulo si ésie kadikɔ bonwu ku ala lidu lidu na kadɔ kakya mmɔ.

Korintoƒuɔ 1 4:12

Na bɔɔbla kabla kpakplaa na buutú lɛlɔ. Si bekyuli béwida-bu ni, abu buute-ma kusɛ kusɛ. Ina dɛ na basiaku-bu beekpóku-bu ni, bɔɔkya ɔkplu.

Petro 1 4:15

Bitaya na bina kemmo ɔdi ubo abi aani bekyuli ɔdune iye uyune, iye likpidi ɔblane, iye ukyuli ɔni neeete bekyuli bɔnwuna kalɛ.

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Korintoƒuɔ 2 5:9

Na lɛla lɛni na bɔɔwia teetulo ndi ka si mɛni na bɔkya o-o iye Katɔ Ɔga Ɔma o-o ni, na bɔbla Blɔti lɛƒɔyɔ.

Romaƒuɔ 12:11

Bitabla kɔkɔsɔ, mmomu bɛya na Katɔti Kɔyu kɔƒɔ-mii lɛlɔ kemmo ƒui na bitaabla Blɔti kabla.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Marko 13:34

Ɔdubuse aani ɔnana ɔni náta ɔ́lɛ ɔma ɔnii úsela ulu ɔdi, na ɔ́da nwuna kabla bablane ɔ́kya kaduli. Úte ɔdi biala nwuna kabla kani na ɔdubo bɔbla. Na nwuna kama ni, ɔ́su ukyuli ɔni nnye nwuna kayakun kenye ɔnii ɔgyumana kayakun kammɔ kaduɛ.

Romaƒuɔ 15:20

Ɔ́si kukuuku ƒui ni, ɔdi-mi lɛnungyie ka lɛkɔ litemi buni lɛmmɔ lɛsa na kesii kani na baaagyi Kristo. Na ɔɔɔdi banii ntátu lɛsia ɔdi kowodu kalɔ lɛtabi lɛni na ɔ́ɔkya úse lɛlɔ.

Batalane Kabla 18:3

na ɔ́kya-ma kudɔ úteebunku-ma na bebuo lɛku bɔka kabla kani na anwu lɛnɔ ɔɔbla taadi kemmo.

Agba 17:14

Si ése kadɔ kalɔ ni, use aani kalɛ na baalɛmi kuƒi teete ketu kani báda-ka kavinkɔ ulu na kéyi.