Tesalonikaƒuɔ 1 3:6 - Katɔti Ɔku Kedee

⁶ Nsu Timoteo ɔ́sɔ úbo ku kubiti úbasu-bu ka bina bɔƒɔtaadi ku bina bakpana bɔyɔ bútavumana. Mmomu bɛɛkali-bu geen na binye kuƒie bɛɛyɔ́ ka bɛnu-bu aani kalɛ abu lɛnɔ bɔɔwia-mii bɔnu.

Tesalonikaƒuɔ 1 3:6 Referans Kwoze

Korintoƒuɔ 1 11:2

Muumwi-mii ɔsika bina anu asia-mi lɛlɔ uwi biala na biinyimo ala ani na lɛ́tina-mii na bɛɛbla taasiaku-nya lɛlɔ uwi biala.

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Batalane Kabla 18:5

Amu na uwi ɔni na Silas ku Timoteo bási Makedonia bébo ni, Paulo ɔ́kɛ uwi kaduɛ úti úte litemi buni bɔsu ku kalɔ budie taatina Yudaƒuɔ ka ni, Yesu ndi Ukyuli Ɔƒunadi ɔmmɔ geen.

Agba 25:25

Kenye buni kani mɔɔsí ɔgyu teebo ukyuli kese aani ntu bamamba bɔni mɔɔdú utukwɛ.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Hebriƒuɔ 13:3

Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.

Ƒilemon 1:5

Ɔsika muunú kalɛ na aayɔ́ Katɔti bekyuli ku kalɛ na áƒɔ Blɔti Yesu ádi.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Tesalonikaƒuɔ 1 2:17

Banwa uuduo-bu geen ka bɔ́di emeyi alɛɛ na bɔ́sɔ bútasa tɔ anumi ku anumi. Nsu bɛkya-bu kayi kemmo. Na bɔ́ɔkya kɔkwɛ kɔni ƒui bɔ́nɔ.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Koloseƒuɔ 4:18

Ami Paulo ɔlati mina kɔnu na líti muunweni-mii kegye kamɛni. Na bitayiƒala ka ntɛ aban ɔtɔ. Na muuvele Katɔti nnii ɔya na nwuna lɛƒɔndia lɛsiaku-mii.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Korintoƒuɔ 1 13:13

Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Batalane Kabla 18:1

Amu na ɔmmɔ kama ni, Paulo ɔ́tɔlɔ Atene úsie Korinto.

Batalane Kabla 16:1

Amu na Paulo ku Silas bátɔlɔ bésie ɔma ɔni baalɔ Derbe, na bákɛ mmɔ bávi bésie Listra. Na mmɔ na bésie bátánu ɔƒɔtaadine ɔni baalɔ Timoteo. Na uni ɔdi Yudani, na anwu lɛnɔ ɔ́ƒɔ Kristo ɔ́di. Nsu ɔti ɔdi Grikini.

Tesalonikaƒuɔ 1 3:7

Ɔmɛni ɔsu ni, banwa, ina ka buubó abi na ala amɛni ényimi-bu muedi ni, bina bɔƒɔtaadi bɔɔkya-bu kubiti na kayi kaayɔ́-bu.