Tesalonikaƒuɔ 1 3:13 - Katɔti Ɔku Kedee

¹³ Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 3:13 Referans Kwoze

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Yuda 1:14

Bekyuli bamɛni lɛlɔ litemi geen na Henok ɔni ndi kaba maatɛdi ubi ɔ́si Adam lɛlɔ ɔ́su úse ɔnini, “Katɔti ku nwuna batu ƒui bumomo báyu bébo kalɔ lɛlɔ.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Tesalonikaƒuɔ 1 4:15

Lɛla lɛni na Blɔti ɔɔtina ni, nina lɛlɔ na bunye bɔɔsu-mii ka ni, abu bani nli ngba na Blɔti bɔsɔ bubo kemmo ni, bulaka bani néekpi katɔ busie.

Tesalonikaƒuɔ 1 3:11

Na ɔƒɛni ni, Unwoti Katɔti ɔlati ku Blɔti Yesu balɛmi ulu bete-bu na bubo-mii kudɔ.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Tesalonikaƒuɔ 2 2:1

Banwa, bɔɔyɔ́ ka bɔsu-mii lɛla kpakplaa lɛdi na Blɔti Yesu Kristo bɔsɔ bubo ku bula bɔsala na nwuna kudɔ lɛlɔ.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 14:4

Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Marko 8:38

Ɔƒɛni ni, bekyuli pii baabla ekpidi na beenwíni kama taakya Katɔti. Anwuɔsu si ami ku mina ala ani mɔɔtina ƒui ékpo ukyuli ɔdi kɔƒa ni, anwu lɛnɔ ɔdubukpo ami Ukyuli Ɔyawine Ubi kɔƒa uwi ɔni na mebo ku Katɔti batu kedee na Katɔti ɔmmɔ bukeye ƒui kemmo.”

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Tesalonikaƒuɔ 1 3:2

Na bɔtala Timoteo na ubo ubakya-mii ɔkplu, na ubunku-mii na bina bɔƒɔtaadi kemmo. Anwu ndi bula ɔnwa ɔni muubunku-bu na Katɔti kabla ku Kristo litemi buni lɛmɛni bɔsu kemmo.

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Yakobo 5:8

Anwuɔsu amii lɛnɔ bɛkɛ kayi. Na enu ataƒɛ-mii, ɔsika Blɔti bɔsɔ bubo bɔmmɔ búude.