Tesalonikaƒuɔ 1 2:4 - Katɔti Ɔku Kedee

⁴ Mmomu litemi geen lɛmmɔ na bɔ́su-mii. Na bɔɔtɛmiku-mii uwi biala aani kalɛ na Katɔti ɔɔwia ka bɔbla. Ɔsika anwu ɔlati nákɔku-bu ɔ́nu ka bɔmanku ka bɔsu nwuna litemi buni. Na ɔɔɔdi aani kalɛ na bekyuli lɛƒɔyɔ lɛɛtina, mmomu aani kalɛ na Katɔti ɔni ngyi ukyuli biala kayi kemmo lɛyɔla lɛɛtina.

Tesalonikaƒuɔ 1 2:4 Referans Kwoze

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Romaƒuɔ 8:27

Katɔti ɔni ngyi bekyuli kayi kemmo ni, ɔgyi lɛla lɛni nkya nwuna Kɔyu kasusu kemmo lɛnɔ. Ɔsika Kɔyu kɔmmɔ kuuvele Katɔti na nwuna badi lili kalɛ na Katɔti ɔmmɔ ɔɔyɔ́.

Galatiƒuɔ 2:7

Mmomu bánu báti ka Katɔti néti kabla kamɛni ɔ́kya-mi enu kemmo ka lɛkɔ litemi buni lɛmmɔ lɛsa lite bani naaadi Yudaƒuɔ, aani kalɛ na úti ɔ́kya Petro enu kemmo na ɔkɔ litemi buni lɛmmɔ lɛsa ute Yudaƒuɔ.

Timoteo 2 1:14

Na ɔkɛ Katɔti Kɔyu ɔyikun ɔni nkya-bu lɛlɔ kemmo ɔsu ni, da ala abuni ani ƒui na Blɔti úti ɔ́kya-a enu kemmo kaduɛ.

Kɔgya 17:3

Agyi kalɛ mina kayi kemmo kese sɛɛn. Ɔsika ébo-mi kudɔ usien na ákɔku-mi lɛlɔ kemmo ƒui ánu ka ntabla likpidi. Na lɛ́lɛ ugyii ka lɛɛɛdubo mina kenye bubimi bɔsu lɛla likpidi lɛdi.

Eƒesoƒuɔ 6:6

Ka bɛdi Kristo kabla bablane ɔsu ni, biti bina ɔyikun ƒui bɛbla lɛla lɛni na Katɔti ɔɔwia. Na ɔɔɔdi bana anumi na ɔdi ka bɛbla lɛla lɛdi biti bɛtina bekyuli kalɛ na bemwi-mii.

Tito 1:3

Údie ngba ƒui litemi ɔ́tina-bu na nwuna litemi lɛni mɔɔsu mɛni kemmo na uwi ɔni lɛlɔ na anwu ɔlati úse úse lɛlɔ. Ɔmɛni na úti ɔ́kya-mi enu kemmo na mɔɔkɔ́-ni lɛsa teete kadi. Na Blɔti ɔni ndi bula Ɔƒɔne násu-mi ɔnii nkɔ lɛsa lɛmɛni.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Yeremia 32:19

Aata ala ani na aayɔ́ abla kɔkwɛ teese ɔkɛnku ƒula lɛnunda bonwu lɛlɔ. Na lɛla bula lɛla biala lɛni na bɔɔbla lɛdi lítabɛ-ɔ.

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Luka 16:11

Ɔmmɔ ɔsu si bítada kayawi kamɛni kemmo lɛlakɛ na ulu lɛlɔ ni, dɛ na wabla asa na ukyuli waƒɔ-mii wadi ka bɛdubɔda kɔyu kemmo lɛlakɛ lɛni ndi Katɔti etela na ulu lɛlɔ?

Agba 17:3

Ogya kemmo baakya sika ugyiedi ku ɔƒualadi taanu-nwu bɔdia. Nsu Unwoti ni, ukyuli kayi na ɔɔkɔ́ku taanu-nwu bɔdia.

Baga 1 8:39

na enu bana bɔkpali na kesii kani na akya na katɔ mmɔ. Na eti bana ekpidi akyiɛ-ma na ete-ma kebunku. Ɔsika awɔ lɛti ngyi ukyuli kasusu ku kayi kemmo, na aablaku ukyuli biala kalɛ na ɔ́manku

Bumomo Bɔka 27:16

“Unwoti Katɔti, awɔ ndi bayawine ƒui ayu ngba kasikɔ, muuvele-ɔ nnii die ɔtɔnkune te ƒula kadi bekyuli bamɛni

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Timoteo 1 6:20

Timoteo, nu ka ágyumana ala ani na béti béte-ɔ bɔda kaduɛ. Takya atɛ keeke ku kɔdɔlɔ unyeƒi kenye. Anya na bekyuli badi beeti taatɔlɔ bekyuli banii lɛlati lɛdi kenye.

Koloseƒuɔ 3:22

Amii bekyuli bamba kabla bablane binu bina benwoti litemi na ulu biala lɛlɔ. Na bidie kayi na bɛbla kabla uwi biala kemmo, na ɔɔɔdi uwi ɔni na bakya-mii kudɔ lɛti kalɛ bakɛ-mii lɛlɔ kubiti. Mmomu bɛbla kabla ku kayi ƒui na ɔbu ɔni bibo bite Blɔti ɔsu.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Kɔgya 44:21

awɔ Katɔti adubɔnu ati. Ɔsika agyi abɛla ani nkya bekyuli kayi kemmo.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Kɔgya 7:9

Awɔ ndi Unwoti Katɔti ɔni nse siin na agyi bula lili kemmo kakali ku bula kayi kemmo ayɔla ƒui. Nye tile alaekpidi bablane ala bɔbla ulu! Na ada bekyuli bani nsiaku-ɔ kama siin na benye kpakplaa.

Kɔgya 139:23

O Katɔti, awɔ ɔlati kɔku-mi na ati kalɛ na nse.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Baga 2 16:16

Na Uria ɔ́bla aani kalɛ kani ɔga úbo-nwu ɔda.