Tesalonikaƒuɔ 1 2:2 - Katɔti Ɔku Kedee

² Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Tesalonikaƒuɔ 1 2:2 Referans Kwoze

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Batalane Kabla 16:37

Amu na Paulo ɔ́su beƒiene bammɔ ɔnini, “Bébo-bu na bekyuli ƒui anumi ɔni bátatɛku-bu litemi lɛdi asa na béti-bu bátákya aban ɔtɔ kemmo. Nsu ni, Romaƒuɔ na bɔdi! Na ɔƒɛni na baawia ka bɔbɛ bɔtɔlɔ? Kudii! Ya ama alati bebo bebedie-bu!”

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Koloseƒuɔ 2:1

Mɔɔyɔ́ ka bɛti kalɛ na muukpóku lɛlɔ na amii ku Laodikeaƒuɔ ku bekyuli bani ami ku-ma bútasa tɔ dii ƒui lili.

Batalane Kabla 17:17

Anwuɔsu úsie útátɛmiku Yudaƒuɔ ku bekyuli bamba lɛnɔ na bana kasalakɔ. Na limeyi ndi limeyi ni, útaatɛmiku bani lɛnɔ na ɔ́nu na kuye.

Batalane Kabla 14:3

Nsu batalane bammɔ bákya ɔma ɔmɛni kemmo bétu uwi básu litemi buni lɛmɛni ku ogya. Na Blɔti lɛnɔ údie nwuna bɔyɔ ɔ́tina geen na akɔla pii ani na bábla kemmo.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Batalane Kabla 4:31

Ka bévele Unwoti ɔmɛni báwɔlɔ ni, ɔtɔ ɔni kemmo na bakya mmɔ ɔ́kunku na Katɔti Kɔyu kɔ́ƒɔ bana ƒui lɛlɔ kemmo, na bése kalɔ baasu litemi buni lɛmɛni ku kayi buse.

Batalane Kabla 4:20

Lɛla lɛni na bɔ́nu na búnu ni, bulakana kenye bubile na bɔsɔ bulie kpoo.”

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.

Batalane Kabla 19:8

Amu na Paulo úteesie Yudaƒuɔ kasalakɔ taatátɛmi ku ogya abuli atɛ, na uudie ala kalɔ taatina-ma. Na uunwíni bana kasusu teesienku Blɔti lɛga kadikɔ ala lɛlɔ.

Batalane Kabla 16:12

Ka bɔ́si mmɔ ni, bútéduo Ƒilipi ɔni ndi Makedonia ɔma udeedi. Na mmɔ lɛnɔ ɔdi Romaƒuɔ kalɛkɛ. Na búlie mmɔ emeyi adi.

Batalane Kabla 14:5

Uwi ɔni na ɔma ɔmmɔ bekyuli badi ku Yudaƒuɔ ku bana batɔnkune ƒui báta banii bebebo-ma atabi ni, batalane bammɔ bénu na békeli bátɔlɔ bésie Listra ku Derbe ku lɛma lɛni nkya amadɔ mmɔ.

Batalane Kabla 16:19

Amu ka nwuna benwoti bánu ka bana lɛlakɛ lɛ́yii ɔsu ni, béƒie Paulo ku Silas na báni-ma bésienku litemi katɛkɔ benengu na kuyentɛ.

Batalane Kabla 17:1

Amu ka bésie bátásia Amƒipoli ku Apolonia ni, bétédu Tesalonika. Na mɛni na Yudaƒuɔ kasalakɔ kadi kákya.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.