Tesalonikaƒuɔ 1 2:15 - Katɔti Ɔku Kedee

¹⁵ Yudaƒuɔ bamɛni nádu Katɔti kenye bediene, na báya na bádu Blɔti Yesu lɛnɔ. Ama kani nsia beekpóku-bu na baawia-bu badu. Bana ablala áta énye Katɔti lɛlɔ na badi liƒula lɛni nétile bekyuli ƒui ulu.

Tesalonikaƒuɔ 1 2:15 Referans Kwoze

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Luka 24:20

Yudaƒuɔ Katɔti bakpane benengu ku bula lɛlɔ badine béti-nwu bákya Roma aban unengu enu kemmo na ɔ́du-nwu kukpi kɔtɔ na bákana-nwu bámana ugyii lɛlɔ.

Mateo 27:25

Amu na bekyuli lisu lɛmmɔ ƒui bédie kenye banii, “Nwuna kukpi kɔsia abu ku bula bebi lili!”

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Ester 3:8

Amu na Haman útásu Ɔga Ahasweros ɔnini, “Kadi bekyuli badi básala bakya ƒula kɔlɔ kɔni lɛlɔ na aadi bekyuli ƒui akɔ. Na bebo ɔdi ɔdi na baabla na ɔ́vumanaku bekyuli bakladi ƒui ɔdi, na baládi ƒula ɔda bubo lɛnɔ lɛlɔ. Na lɛla lɛmɛni lɛɛɛdububoku kɔsia biala na ƒula lɛga kadikɔ. Anwuɔsu ɔlɛka bɔyila-ma udu kalɛ na lɛga kadikɔ kammɔ kenye kaduɛ.

Korintoƒuɔ 1 10:5

Uwi ɔmmɔ muedi kemmo ni, lɛlɔ lítayɔ Katɔti na bana ketulodikɔ ɔbladu lɛlɔ. Anwuɔsu ni, békpi ketele kemmo.

Batalane Kabla 12:3

Na ka ɔ́nu ɔ́ti ka ebiti áda Yudaƒuɔ na lɛla lɛni na ɔ́bla mɛni ɔsu ni, úƒie Petro lɛnɔ na uwi ɔni kemmo na baadi Bodobodo Ɔni Néteƒu Limeyi.

Batalane Kabla 5:30

Yesu ɔni na amii bɛ́ya na bákana bámana ugyii lɛlɔ na úkpi ni, bula bati kuuku Katɔti ɔ́gyila-nwu ɔ́lɛku kekpine na ɔ́sɔ úbo uli ngba.

Amos 7:12

Kama ni, ɔkpane unengudi Amasia ɔmɛni úbasu-mi ɔnini, “Amos, ti ala na avi alɛ mɛni! Na eteesie Yuda kalɔ lɛlɔ na atátaabla ƒula kenye budie kabla na mmɔ na akɛ ƒula lɛdila.

Batalane Kabla 4:10

bite-mi kuƒi na lɛsu amii ku Israel kalɔ lɛlɔ bekyuli ƒui lɛla lɛdi. Ɔkɛ Yesu Kristo ɔni nási Nasaret lɛnyi kemmo ɔni na amii bɛ́ya na bákana bámana ugyii lɛlɔ na Unwoti ɔ́sɔ ɔ́gyila-nwu ɔ́lɛku kekpine ɔsu na ukyuli ɔmɛni lɛlɔ lɛ́yu ɔkplu.

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Korintoƒuɔ 2 11:26

Na mina ulu busie pii kemmo ni, líduo ɔgbankpi lidu lidu kemmo. Ketu keyi káda-mi kɔlɛ kɔlɛ, na líduo beyune enu kemmo. Líduo ɔgbankpi kemmo na mina kadi bekyuli Yudaƒuɔ enu kemmo ku bani naaadi Yudaƒuɔ lɛnɔ enu kemmo. Líduo ɔgbankpi na lɛma linengudi kemmo ku ketele kemmo. Líduo ɔgbankpi na ntu anumi ku ɔkɔ baƒɔtaadine enu kemmo.

Kɔgya 109:20

O Unwoti, ya na ala ani ƒui na mina bekisine baawia mɛni ebo-ma lɛlɔ lɛni kani ku bani ƒui mɔɔsu ala ammɔ bene udu na mina lɛlɔ.