Korintoƒuɔ 1 9:1 - Katɔti Ɔku Kedee

¹ Bɛɛbu bɛnii liiibo kuƒi na lɛbla lɛla lɛni mɔɔyɔ́? Munuu lɛɛɛdi ɔtalane na ńtanu Blɔti Yesu? Na ɔɔɔdi amii ndi mina ebi ani na lɛ́nwu na mina kabla kani na lɛ́bla líte Blɔti kemmo?

Korintoƒuɔ 1 9:1 Referans Kwoze

Batalane Kabla 9:17

Anwuɔsu Anania úsie na útánu Saulo na úti enu ɔ́sia-nwu lɛlɔ, na ɔ́su-nwu ɔnini, “Ɔnwa Saulo, Blɔti Yesu ɔni nédie lɛlɔ ɔ́tina-a na ulu lɛlɔ ni, anwu nátala-mi ɔ́kya-a kalɛ na asɔ ataanu na Katɔti Kɔyu kɔƒɔ-ɔ lɛlɔ kemmo ƒui.”

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Batalane Kabla 23:11

Amu na limeyi lɛmmɔ usientɛ ni, Blɔti úbenye Paulo kudɔ na ɔ́su-nwu ɔnini, “Paulo, kya ɔkplu. Kalɛ na ásu mina lɛlɔ litemi mɛni na Yerusalem ni, lɛni kani na adubɔsu-ni na Roma lɛnɔ.”

Batalane Kabla 9:3

Amu na uwi ɔni na ɔ́kpɛ uudé Damasko na kasusu kamɛni lɛlɔ ni, kɔnakunwi bukeye bɔdi búkeye bɔ́si katɔ na búbewi-nwu lɛlɔ.

Korintoƒuɔ 1 9:19

Mbo mina lɛlɔ kuƒi biala ɔni na lɛɛɛkya ukyuli bamba ɔdi kalɔ. Nsu lɛ́bla lɛlɔ aani ukyuli ɔni mɔɔbla bekyuli ƒui kabla kalɛ na lɛƒɔ bekyuli pii lite Blɔti.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Galatiƒuɔ 1:1

Ami Paulo ɔni ndi Kristo ɔtalane ni, mina bɔlɔ bútasi bekyuli kudɔ iye ɔɔɔdi ukyuli ɔdi náƒuna-mi. Mmomu mina bɔlɔ bɔ́si Yesu Kristo ku Katɔti ɔni nágyila Yesu ɔmmɔ ɔ́lɛku bekpine akɔ kudɔ.

Tesalonikaƒuɔ 1 2:6

Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,

Korintoƒuɔ 2 11:5

Nsu lɛ́ƒɔ lɛ́di ka lɛ́ƒɔ kuye ntulo bekyuli bani na biigyingya enu taaƒɔ aani si badi batalane babuni sɔsɔ.

Korintoƒuɔ 1 1:1

Ami Paulo ɔni nkɛnku Katɔti lɛƒɔyɔ lɛlɔ ɔsu na ndi Yesu Kristo ɔtalane ku bula ɔnwa Sostene muunweni-mii ɔku ɔmɛni.

Romaƒuɔ 11:13

Na amii bani naaadi Yudaƒuɔ ni, mɔɔsu-mii nnii uwi ɔni kemmo na ami ndi ɔtalane nte-mii mɛni ni, muubo mina kabla kudu.

Romaƒuɔ 1:5

Na ɔkɛnku Kristo lɛlɔ ni, Katɔti ɔ́nu-bu kɔnyana na úti-bu ɔ́bla batalane úte Kristo kalɛ na bɔya na kadi ƒui bekyuli baƒɔ badi na babla nwuna lɛyɔla.

Batalane Kabla 14:14

Na uwi ɔni na Paulo ku Barnaba bénu lɛla lɛni na báyɔ ka babla ni, báni bana lɛwu bábwɛ, ɔsika bátayɔ ka bekyuli bammɔ babla lɛni. Anwuɔsu békeli béduo bekyuli bammɔ akɔ. Mmɔ na báva

Batalane Kabla 14:4

Amu na ɔma ɔmmɔ kemmo bekyuli béle akpa anyɔ, na badi básiaku Yudaƒuɔ kama, na badi lɛnɔ básiaku batalane bammɔ kama.

Batalane Kabla 13:2

Amu ka bakya beemwi Blɔti na beelie kɔka ni, Katɔti Kɔyu kútemiku-ma na kɔ́su kɔnini, “Bidie Barnaba ku Saulo bise bite kabla kani ɔsu na lɛ́lɔ-ma.”

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Batalane Kabla 9:5

Amu na Saulo úye ɔnini, “Ati, ɔma na adi?” Amu na lɛdi lɛmɛni lídie kenye ɔnini, “Ami ndi Yesu ɔni na eekpóku kpakplaa.

Korintoƒuɔ 1 10:29

Ɔsika ɔɔɔdi awɔ ɔni nádi adila ammɔ na kayi kadubo bukpoku. Mmomu ukyuli ɔni nánu ɔ́su-ɔ na kayi kadubo bukpoku. Ukyuli ɔdi ɔdubɔkana na uye ɔnii, “Bi ɔsu na si mbo kuƒi na lɛbla lɛla lɛdi na ukyuli bamba kayi kani mekpoku-nwu ɔsu na ɔdi ka lɛda lɛla lɛmmɔ bɔbla lɛya?

Korintoƒuɔ 1 10:30

Si lɛ́gya Katɔti enu na lɛdila lɛni na úte-mi ɔsu ni, bi ɔsu na ukyuli ɔdi ɔnu ɔnii lɛ́ƒiɔ na ɔmɛni lɛlɔ ka lɛ́ɛgya Katɔti enu?”

Korintoƒuɔ 1 11:16

Nsu si ukyuli ɔdi ɔɔkya unyeƒi na ɔmɛni lɛlɔ ni, lɛla lɛni kani na ami masu-nwu ndi ka abu ku Katɔti baƒɔtaadine akpa ƒui bɔsɔ buuubo ulu ɔbambadi ɔdi na bula bɔsala bɔmmɔ kemmo.

Korintoƒuɔ 2 10:7

Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.